Akademik E. A. Böketov atyndaǧy Qaraǧandy ūlttyq zertteu universitetınıŋ studentterınen tuberkulez anyqtaldy. Būl aqparatty Tengri Health tılşısıne öŋırdıŋ sanitariialyq-epidemiologiialyq baqylau basqarmasy rastaǧan, dep habarlaidy "Adyrna".
Äleumettık jelılerde Qaraǧandydaǧy akademik E. A. Böketov atyndaǧy universitettıŋ 10 studentı tuberkulezben auyrǧany turaly aqparat taraǧan.
«Eşkım eşteŋe aitpai ma? Karantin engızu kerek qoi! Taǧy qanşa student auyryp, bır-bırıne jūqtyryp jür? Karantin de, dūrys dezinfeksiia da joq!» – dep jazba avtory narazylyq bıldırgen.
Alaida resmi türde 10 studenttıŋ auyrǧany turaly aqparat rastalmady.
Qaraǧandy qalasy Qazybek bi atyndaǧy audannyŋ sanitariialyq-epidemiologiialyq baqylau basqarmasynyŋ basşysy Nūrlan Aimaǧanbetov universitette tuberkulezdıŋ bırneşe jaǧdaiy tırkelgenın, bıraq söz üş student turaly bolyp otyrǧanyn aitty.
Onyŋ aituynşa, olar ärtürlı fakultetterde oqidy jäne bırge tūrmaidy.
«Bır student biologiia-geografiia fakultetınde, ekınşısı şetel tılderı fakultetınde, üşınşısı jurnalistika fakultetınde oqidy. Üşeuı de jataqhanada emes, ärtürlı mekenjaidaǧy päterlerde tūrady», – dedı Nūrlan Aimaǧanbetov.
Bırınşı jaǧdai 22 qyrküiekte tırkelgen, ekınşı jaǧdai kelesı künı anyqtalǧan. Al üşınşı studentke qatysty şūǧyl habarlama 24 qyrküiek künı keşke tüsken.
Qazır mamandar būl jaǧdailardyŋ özara bailanysty-bolmaǧanyn anyqtap jatyr. Sanitariialyq-epidemiologiialyq baqylau basqarmasy tekseru jūmystaryn jürgızıp, nauqastarmen bailanysta bolǧan adamdardyŋ şeŋberın anyqtauda.
«Jaqyn jäne alys bailanysta bolǧan adamdar tekserılıp jatyr. Medisinalyq tekseruler jürgızılıp, kımde auru bar, kımde joq ekenı jäne olardyŋ soŋǧy ret qaşan tekseruden ötkenı anyqtaluda», – dep tüsındırdı basqarma basşysy.
Nūrlan Aimaǧanbetovtıŋ aituynşa, universitette dezinfeksiia jūmystary jürgızılgen. Sonymen qatar, onyŋ sözınşe, anyqtalǧan tuberkulez jaǧdailaryna bailanysty universitette karantin engızılmeidı.
