Temırtau qalasy tūrǧyn üi-kommunaldyq şaruaşylyǧy bölımınıŋ eks-qyzmetkerıne ırı kölemde ūrlyq jasaǧany üşın halyqaralyq ızdeu jariialandy. Būl turaly eKaraganda.kz portaly jariialady, dep habarlaidy “Adyrna” ūlttyq portaly.
Jelıde Temırtau TKŞ bölımınıŋ būrynǧy qyzmetkerı ırı kölemde ūrlyq jasady dep küdıkke ılıngenı turaly aqparat tarap jatyr.
Aqparatqa säikes, 2020 jyly jylu jelılerınde jöndeu jūmystary bastalǧan kezde eskı qūbyrlar joǧalyp ketken. Alty şaqyrymǧa jetetın metall qūbyrlar qoldy bolǧan.
Temırtau TKŞ bölımınıŋ būrynǧy qyzmetkerı jöndeu kezınde Temırtaudaǧy jylu trassasynan qūbyrlardy ūrlady degen küdıkke ılındı. Ūrlyq faktısı anyqtalǧanda būrynǧy şeneunık bölımde jūmys ıstemegen, - dep jazdy portal.
Sonymen qatar, ūrlyq turaly küdık tuyndaǧan kezde būl qyzmetker jūmystan şyǧyp ketken. Al Qaraǧandy oblysynyŋ polisiia departamentı ūrlyq jasady degen küdıktıge halyqaralyq ızdestıru jariialanǧanyn rastap otyr.
Temırtau qalasynyŋ 28 jastaǧy tūrǧynyna qatysty QR QK 188-babynyŋ 3-bölıgı boiynşa "Irı kölemdegı ūrlyq" boiynşa qylmystyq ıs tırkeldı. Osy jyldyŋ şılde aiynyŋ basynda būl adamǧa halyqaralyq ızdeu jariialandy,- dep habarlady Qaraǧandy oblysy polisiia departamentınıŋ baspasöz qyzmetı.
Būrqasyn boran. Qaraǧandy oblysy tūrǧyndaryna eldı mekenderden tys jerlerge şyqpauǧa keŋes berıldı
