Qazaqstan Beibıtşılık keŋesıne kıru üşın 1 mlrd dollar jarna tölemeidı. Būl turaly Aqordanyŋ baspasöz qyzmetı mälım ettı, dep habarlaidy "Adyrna".
Aqordanyŋ mälımetınşe, Beibıtşılık keŋesıne qatysu memleketterdıŋ derbes şeşımıne negızdeledı. Memleketter Keŋes qūramyna engennen bastap üş jyl müşe bola alady.
"Jarǧyda aitylǧan 1 milliard dollar kölemındegı erıktı jarna müşelıktıŋ şarty bolyp sanalmaidy. Eger alǧaşqy jylda mūndai jarna tölengen bolsa, memleket Keŋes qūramyndaǧy merzımın üş jyldan ärı ūzarta alady. Qazaqstan Beibıtşılık keŋesıne kıruge qandai da bır qarjy tölegen joq. Būl Jarǧy erejelerıne tolyq sai keledı", - dep tüsındırdı Aqordadan.
Aita keteiık, keşe, 22 qaŋtar künı Memleket basşysy Qasym-Jomart Toqaev AQŞ Prezidentı Donald Tramptyŋ bastamasymen qūrylǧan Beibıtşılık keŋesınıŋ Jarǧysyna qol qoidy.
