Armeniia astanasy Erevanda ötken kelıssözder barysynda Qazaqstan Prezidentı Qasym-Jomart Toqaev pen Armeniia Premer-ministrı Nikol Paşinian Oŋtüstık Kavkazda tūraqtylyq pen qauıpsızdıktı qamtamasyz etu mäselesıne airyqşa nazar audardy. Būl turaly Aqorda jariialady, dep habarlaidy “Adyrna” ūlttyq portaly.
«Memleket basşysy Armeniia men Äzerbaijannyŋ beibıt kelısım jasau jönındegı qadamdaryn joǧary baǧalady. Osy oraida Qazaqstan Prezidentı Erevan men Baku arasynda tezırek berık ärı ūzaqmerzımdı beibıtşılık ornaǧany maŋyzdy dep atap öttı. Sondai-aq kelıssözder üşın Qazaqstan öz alaŋyn ūsynuǧa daiyn ekenın mälımdedı», - delıngen habarlamada.
Sonymen qatar, beibıtşılık pen kelısımge naqty kelıssözder arqyly qol jetkızudı jaqtaityn Qazaqstannyŋ būl baǧyttaǧy barlyq ıs-ärekettı qoldauǧa äzır ekenı aityldy. Taraptar Armeniia men Äzerbaijan arasyndaǧy uaǧdalastyqtardy naqty jüzege asyru mümkındıkterın qarastyruǧa kelıstı.
Ūqsas jaŋalyqtar
