Türkıstan oblysynda Memleket basşysy Qasym-Jomart Toqaevtyŋ bastamasymen jüzege asyp jatqan «Taza Qazaqstan» jalpyūlttyq ekologiialyq aksiiasy aiasynda «WORLD CLEANUP DAY» – Düniejüzılık tazalyq künıne orai auqymdy ekologiialyq ıs-şara ūiymdastyryldy.
Negızgı ıs-şara Qaratau jotasynyŋ etegınde ornalasqan Aşysai eldı mekenınde ūiymdastyrylyp, oǧan 4 myŋnan astam adam qatysyp, 70 arnaiy tehnika jūmyldyryldy. Sondai-aq qorşaǧan ortany abattandyru jäne kögaldandyru maqsatynda 100 tüp aǧaş köşetı otyrǧyzyldy.
Is-şaranyŋ negızgı maqsaty – qorşaǧan ortanyŋ tazalyǧyn saqtau, tabiǧi aumaqtardy tūrmystyq qaldyqtardan tazartu, ekologiialyq mädeniettı qalyptastyru jäne tūrǧyndardy tabiǧatty qorǧauǧa belsendı qatysuǧa şaqyru.
Ekoaksiiaǧa Türkıstan oblysynyŋ äkımı Nūralhan Köşerov, memlekettık qyzmetşıler, qūzyrly organ ökılderı, jastar, erıktıler men qoǧamdyq ūiym ökılderı jäne tazalyqqa jauapty kommunaldyq mekemenıŋ qyzmetkerlerı de belsene atsalysty.
Oblys äkımı öz sözınde tazalyq mädenietın qalyptastyru – bır kündık nauqan emes, ärbır azamattyŋ kündelıktı ömır saltyna ainaluy tiıs ekenın atap öttı.
– «Taza Qazaqstan» – jai ǧana senbılık emes. Būl – tuǧan jerge janaşyrlyqtyŋ, ortaq jauapkerşılıktıŋ jäne azamattyq mädeniettıŋ körınısı. Ärbır tūrǧyn öz aulasyna, öz köşesıne, öz auylyna janaşyrlyqpen qarasa, öŋırımızdıŋ kelbetı odan ärı körkeie tüsedı. Memleket basşysy Qasym-Jomart KemelūlyToqaevtyŋ bastamasymen qolǧa alynǧan «Taza Qazaqstan» baǧdarlamasynyŋ tüpkı mänı men mūraty da osynda jatyr. Būl – jai nauqan emes, ūlttyq sanany tärbieleuge, eldıŋ erteŋın oilauǧa negızdelgen köregen saiasat. Türkıstan – tarihy tereŋ, tülegı dana, topyraǧyqasiettı öŋır. Osy ölkenıŋ tazalyǧy, körkeiuı men abattanuy – barşamyzǧa paryz. Qasiettı jerdı qasiettı ıstermen ūlyqtaiyq, – dedı Nūralhan Köşerov.
Aksiia barysynda tau bökterı men qoǧamdyq aumaqtar tazartylyp, qoqys şyǧaryldy, sondai-aq qorşaǧan ortany kögaldandyru baǧytyndaǧy jūmystar jürgızıldı. Nätijesınde 93 tonna qoqys şyǧarylyp, 72 gektar aumaq tazartyldy. Aita ketsek, Türkıstan oblysy boiynşa jalpyūlttyq ekologiialyq aksiiaǧa 74 myŋǧa juyq adam qatysty.
Jalpy, Türkıstan oblysynda «Taza Qazaqstan» baǧdarlamasy aiasyndaǧy jūmystar jüielı türde jalǧasyp keledı. Būǧan deiın ötken küzgı tazalyq aksiialaryna 15 myŋnan astam adam qatysyp, 779,8 tonna qoqys şyǧarylyp, 508 gektardan astam aumaq tazartylǧan bolatyn.
