Toqaev Taiau Şyǧystaǧy qaqtyǧysqa qatysty mälımdeme jasap, kelıssözderge şaqyrdy, dep habarlaidy "Adyrna" ūlttyq portaly.
Būl turaly Prezident Türkıstan oblysynyŋ jūrtşylyǧymen kezdesu barysynda mälımdegen.
Memleket basşysynyŋ aituynşa, soŋǧy jyldary älemdegı geosaiasi ahual kürdelenıp, türlı aimaqtarda qaruly qaqtyǧystar men soǧystar köbeigen. Būl jaǧdai jahandyq ekonomikaǧa kerı äserın tigızıp otyr.
"Soǧys äbden şielenısıp kettı. Menıŋşe, būl qaqtyǧysta eşbır memleket tüpkılıktı paidaǧa qol jetkıze almaidy", — dedı Memleket basşysy.
Prezident Qasym-Jomart Toqaev Qazaqstannyŋ qaqtyǧys aimaǧyna jaqyn öŋırde ornalasqanyn atap ötıp, eldıŋ beibıt ūstanymdy qoldaitynyn jetkızdı. Onyŋ sözınşe, Qazaqstan däneker boluǧa ūmtylmaidy, alaida beibıt kelıssözder ötkızu üşın öz aumaǧyn ūsynuǧa daiyn.
"Sondyqtan osy qasterlı jerden barlyq elderge halyqaralyq qauymdastyqqa Ündeu jasaǧym keledı. Eŋ aldymen, azamattyq, ekonomikalyq nysandarǧa qaruly şabuyldardy toqtatu kerek. Sodan soŋ kelıssözderdı bastau kerek. Qazaqstan būl kürdelı ahualda däneker bolǧysy kelmeidı, bıraq, özımızdıŋ jerımızdı beibıt kelıssözder üşın ūsynuǧa daiynbyz. Menıŋşe, Türkıstanda osyndai kelıssözder ötkızuge bolar edı. Alaida, būl mäsele qaqtyǧysqa tıkelei qatysyp otyrǧan memleketterge bailanysty. Eŋ aldymen olar oŋ şeşım qabyldauy kerek. Al menıŋ ūsynysym būl — qazaq halqynyŋ ızgı nietınıŋ körınısı. Äbden keş bolmai tūrǧanda qaruly ıs-äreketterdı doǧaryp, kelıssözderdı bastau qajet siiaqty, äitpese, älemdık ekonomikanyŋ daǧdarysqa ūşyrauyn aitpaǧanda, köptegen halyqtyŋ beibıt ömırı, tynyştyǧy būzylady, dünie jüzındegı tūraqtylyqtyŋ tūǧyry şaiqalady", — dedı Prezident.
Memleket basşysy qaruly äreketterdı toqtatyp, kelıssözderge köşu qajet ekenın atap ötıp, kerı jaǧdaida älemdık tūraqtylyqqa qauıp tönetının eskerttı.
