Türkıstan oblysynda joǧalyp ketken qyzǧa halyqaralyq ızdeu jariialandy. Būl turaly oblystyq polisiianyŋ baspasöz qyzmetı mälımdedı, - dep habarlaidy "Adyrna" ūlttyq portaly.
Vedomstvonyŋ habarlauynşa, joǧalǧan qyzdyŋ anasy Türkıstan oblysy Sauran audanynyŋ polisiia bölımıne jügıngen. Aryzynda ol: qyzy auruhanaǧa bara jatqanyn aityp, üiden şyǧyp, habarsyz ketkenın jazǧan.
Joǧalǧan jas kelınşektı jedel ızdestıru maqsatynda Türkıstan oblysy IID TJD bastyǧy polisiia general-maiory Mūrat Qabdenov bırqatar tapsyrmalar berıp, būl faktını jeke baqylauyna aldy.
Qazırgı uaqytta TJD bastyǧynyŋ orynbasary polisiia podpolkovnigı Qūrmanbek Sahovtyŋ jetekşılıgımen bır top täjıribelı polisiia qyzmetkerlerı jedel ızdestıru şaralaryn jürgızude. Sondai-aq, IIB qalalyq jäne audandyq bölımşelerınıŋ qyzmetkerlerı ızdestıru jūmystaryna jūmyldyrylǧan.
"Bügıngı taŋda jan-jaqty ızdestıru şaralary jalǧasuda. Joǧalǧan adamdy tabu üşın barlyq oblystar men qalalarǧa jas kelınşektıŋ belgılerı men fotosuretı bar baǧdarlar jıberıldı. Türkıstan polisiiasy qyzdyŋ baruy mümkın barlyq baǧyttary men jerlerın mūqiiat tekserıp, jedel-ızdestıru şaralaryn küşeittı", - dedı PD.Sondai-aq, alynǧan aqparat boiynşa poliseiler Taraz qalasynyŋ Jaŋa-Qorǧan audanyna, Şymkent jäne Almaty qalalaryna bardy, ızdeu jūmystary jürgızılude. «Qazır halyqaralyq ızdeu jariialandy. Izdeu jūmystaryna erıktıler de jūmyldyryldy.Jalpy polisiia tabu jūmystaryn küşeittı.
Joǧalǧan Nazim Aldaşty aman-esen tauyp, otbasyna qaitaru üşın onyŋ qaida ekenın körgen nemese onyŋ jürgen jerı turaly mälımetı bar barlyq kuägerlerdıŋ dereu polisiiaǧa habarlasuyn sūraimyz», - delıngen polisiia habarlamasynda.Joǧalǧan äieldıŋ üstınde aşyq qyzǧylt tüstı kürte, aq sporttyq şalbar, aiaǧynda qara tufli bolǧan. Aiyryqşa belgılerı: boiy 165-168 santimetr, dene bıtımı ortaşa, moinynda meŋı bar. Izdeudegı äielge qatysty qandai da bır mälımet bolsa, Sauran AIIB-nıŋ kezekşı bölımıne: 8 725 33 5 86 50, 8 747 008 74 80 telefondary arqyly habarlauyŋyzdy nemese 102 telefony arqyly polisiiaǧa habarlauyŋyzdy sūraimyz. Būǧan deiın BAQ 17 jastaǧy Nazym Aldaştyŋ Türkıstan oblysynda ız-tüzsız joǧalyp ketkenın jazǧan bolatyn. Bır aidan astam uaqyt būryn jüktı qyz üiden şyǧyp, oralmaǧan.
"Adyrna" ūlttyq portaly
Ūqsas jaŋalyqtar
