Ukraina basşysy Vladimir Zelenskii būrynǧy baspasöz hatşysy Iýliia Mendelge qarsy sanksiia engızdı, dep habarlaidy «Adyrna» tılşısı.
Prezident saitynda jariialanǧan jarlyqta onyŋ Ukraina turaly jalǧan aqparat taratqany aitylǧan.
«Jalǧan aqparat pen reseilık nasihatty taratatyn, sondai-aq Reseidıŋ Ukrainaǧa qarsy agressivtı saiasatyn qoldaityn 10 azamatqa şekteu şaralary qoldanyldy. Atap aitqanda, sanksiialar Iýliia Mendelge qatysty engızıldı», – delıngen habarlamada.
Mendeldıŋ özı būl jaǧdaiǧa H äleumettık jelısındegı paraqşasynda pıkır bıldırdı. Onyŋ aituynşa, sanksiialar Europarlamenttegı söz söileuınen bırneşe kün būryn engızılgen.
«Ukraina azamattaryna qarsy sanksiialar engızu Konstitusiiaǧa qaişy keledı, däl sol siiaqty Zelenskiidıŋ köptegen basqa şeşımı de zaŋǧa säikes emes. Vladimir Zelenskii olardy Ukrainadaǧy beibıtşılıktı qoldaityn kez kelgen adamǧa qarsy paidalanyp otyr. Men Taker Karlsonǧa bergen sūhbatymnan keiın maǧan “memleketke opasyzdyq jasady” degen aiyp taǧyluy mümkın ekenın bılgenmın jäne sanksiia engızıluı yqtimal ekenın de boljadym.
Būl menıŋ ūstanymymdy da, milliondaǧan ukrainalyqtyŋ közqarasyn da özgertpeidı. Ukrainaǧa aman qalu üşın taǧy bır avtokratiia emes, beibıtşılık qajet», – dep jazdy Mendel.
