Euroodaq elderınıŋ tūraqty ökılderı Briusselde Reseige qarsy 15-şı sanksiialar paketın maqūldady, dep habarlaidy "Adyrna" ūlttyq portaly.
Jaŋa sanksiialar Reseidıŋ mūnai eksportyna baǧa şekteuın ainalyp ötu üşın paidalanylatyn «köleŋkelı tanker flotymen» küresuge baǧyttalǧan.
«EO elderınıŋ elşılerı Reseidıŋ Ukrainaǧa qarsy agressiiasyna jauap retınde 15-şı sanksiialar paketın kelısıp bekıttı», – dep habarlandy Euroodaqtyŋ qazırgı töraǧasy Vengriianyŋ äleumettık jelıdegı resmi paraqşasynda.Būl pakette sanksiialyq tızımge jaŋa jeke tūlǧalar men ūiymdar qosyldy. Sondai-aq, Reseige jäne üşınşı elderde ornalasqan, Reseidıŋ äskeri jäne tehnologiialyq damuyna janama türde yqpal etetın subektılerge qatysty şekteuler engızıldı. Jaŋa şekteuler Reseidı qoldaityn üşınşı elderge tiesılı kemelerdıŋ qyzmetın de şekteidı. Eurokomissiia töraiymy Ursula fon der Liaien:
«EO men onyŋ G7 serıktesterı Kremlge qysymdy jalǧastyruǧa bekem. Men 15-şı sanksiialar paketın maqūldaudy qūptaimyn, ol naqty Reseidıŋ köleŋkelı flotyna qarsy baǧyttalǧan», – dedı.EO-nyŋ syrtqy saiasat jäne qauıpsızdık jönındegı joǧary ökılı Kaiia Kallas:
«Bız Reseige qatty qysym körsetuımız kerek. 15-şı sanksiialar paketı qabyldanǧanyna quanyştymyn», – dep atap öttı.Resei Batys sanksiialaryna jauap retınde eskı jäne qoldanystan şyqqan tankerlerden qūpiia «köleŋkelı flot» qūryp, mūnai men tauarlardy jasyryn tasymaldauda degen boljamdar bar. Būǧan deiın EO Reseige qarsy 14 sanksiialar paketın engızgen. Olar sauda, qarjy, energetika, önerkäsıp, tehnologiia, kölık, qosarly maqsattaǧy tauarlar, sändı zattar, altyn jäne almaz sektorlaryn qamtidy.
Ūqsas jaŋalyqtar
