Özbekstannyŋ ışkı ıster ministrlıgı şeteldık turister men elge keletın özge de qonaqtarǧa jeke küzet qyzmetın ūsynudy qarastyryp jatyr, dep habarlaidy "Adyrna" tılşısı.
Būl bastama 9 qyrküiekte Taşkent qalasy qorǧau qyzmetınde ötken kezdesude talqylandy. Jiynǧa IIM qorǧau departamentınıŋ bastyǧy, polkovnik Qobil Şodibekov jäne turizm komitetı töraǧasynyŋ orynbasary Suhrobjon Bobokalonov qatysty.
Vedomstvo mälımetınşe, jeke küzet qyzmetın şeteldık turisterge, resmi delegasiialarǧa, käsıpkerlerge jäne elge kelgen basqa da qonaqtarǧa ūsynu josparlanǧan.
Qyzmet aiasynda sapar baǧyty boiynşa yqtimal qauıpter aldyn ala baǧalanyp, qauıpsızdık şaralary ūiymdastyrylady. Tötenşe jaǧdai bolǧan jaǧdaida jedel äreket etu tetıkterı de qarastyrylmaq.
Sonymen qatar turistık nysandarda zamanaui beinebaqylau jüielerı men tehnikalyq qūraldardy keŋınen paidalanu, jedel äreket etu toptarynyŋ jūmysyn küşeitu mäselelerı qaraldy.
IIM bastamany eldegı turizmnıŋ qarqyndy damuymen, şeteldık turister sanynyŋ artuymen jäne turistık baǧyttardyŋ keŋeiuımen bailanystyryp otyr.
Jospar boiynşa qauıpsızdık şaralary turistıŋ elge kelgen sätınen bastap sapary aiaqtalǧanǧa deiın qamtamasyz etıluı tiıs. Būl üşın turistık baǧyttardaǧy qauıp-qaterlerdı taldau, tarihi-mädeni nysandardy, qonaqüilerdı, demalys oryndaryn jäne turister köp jinalatyn aumaqtardy zertteu ūsynyldy.
Qazır qyzmettıŋ qūny, tapsyrys beru tärtıbı men ony ıske qosu merzımı naqty belgılengen joq.
