7 qazan kúni Qytaıda keshki saǵat 7 shamasynda elektroskýter órt qursaýynda qaldy. Shenchjendegi Lýnhýa aýdanynda bolǵan oqıǵa kóliktiń beınetirkeýishine túsip qalǵan, dep habarlaıdy «Adyrna» ulttyq portaly.
Batereıasy jarylyp, órtke oranǵan elektroskýterden júrgizýshi qulap túsip, aman qaldy. Ol jedel túrde aýrýhanaǵa jetkizildi.
Oqıǵanyń sebebin tergeý kezinde bul elektrli kóliktiń ózdiginen janýymen bolǵan alǵashqy jaǵdaı emes ekeni anyqtalady. Jergilikti BAQ jeke mobıldilik quraldy paıdalanatyn turǵyndarǵa barynsha muqııat jáne saq bolýdy eskertti.
