North Caspian Operating Company (NCOC) kompaniiasynan memleket paidasyna qarajat öndırıp alu jūmystary jalǧasuda. Būl turaly bügın, 9 qyrküiekte Ädılet ministrlıgı aitty, dep habarlaidy «Adyrna» tılşısı.
Qazırgı uaqytta NCOC kompaniiasy memlekettık sot oryndauşysynyŋ äreketterıne şaǧym tüsıruıne bailanysty Atyrau oblysynyŋ mamandandyrylǧan audanaralyq äkımşılık soty atqaruşylyq ıs jürgızu materialdaryn sūratqan.
Zaŋǧa säikes, sot atqaruşylyq ıs jürgızudı talap etken jaǧdaida, atqaruşylyq ıs jürgızu ony sot qaitarǧanǧa deiın toqtatyla tūrady.
«Osylaişa, NCOC kompaniiasynan memleket paidasyna qarajat öndırıp alu boiynşa jūmys zaŋda belgılengen tärtıppen jalǧasatynyn habarlaimyz»,– dep tüsındırdı ministrlık.
Būǧan deiın Qazaqstan NCOC-tan öndırılmek bolǧan 2,3 trln (şamamen $5 mlrd) teŋge kölemındegı ekologiialyq aiyppūldy öndırıp alu jönındegı atqaruşylyq ıs jürgızudı uaqytşa toqtatty degen aqparat taraǧan edı.
