Ädılet ministrlıgınde jaŋadan üş komitet qūryldy. Būl turaly ministrlıktıŋ resmi saity jariialady, dep habarlaidy “Adyrna” ūlttyq portaly.
Ziiatkerlık menşık qūqyǧy, mäjbürlep oryndatu, tırkeu qyzmetı jäne zaŋ qyzmetterın ūiymdastyru komitetterı osy salalarda retteu men qyzmet körsetudı jaqsartady.
Mäselen, ziiatkerlık menşık qūqyǧy komitetı şyǧarmaşylyq pen innovasiiany damyta otyryp, ziiatkerlık menşık qūqyqtaryn qorǧau jäne saqtau mäselelerımen ainalysady. Būl patentter men avtorlyq qūqyqtardy tiımdı basqaruǧa, sondai-aq ǧylymnyŋ, tehnologiianyŋ jäne mädeniettıŋ damuyna jol aşady.
Mäjbürlep oryndatu komitetı sot oryndauşylarynyŋ ıs-äreketterınıŋ zaŋdylyǧyn saqtauǧa, azamattardyŋ būzylǧan qūqyqtaryn jedel qalpyna keltıruge, sondai-aq atqaruşylyq ıs jürgızudı jaŋǧyrtuǧa basymdyq beredı.
Al tırkeu qyzmetı jäne zaŋ qyzmetterın ūiymdastyru komitetı zaŋdy tūlǧalardy tırkeu, jyljymaityn mülıkke qūqyqtar men azamattyq hal aktılerın, notariattyq jäne advokattyq qyzmettı retteu salasyn jäne zaŋ kömegın körsetu sapasyn qadaǧalaidy.
