Qazaqstandyq ata-ana balasynyŋ tuu turaly kuälıgın onlain räsımdeu kezınde aty-jönın qalaǧan nūsqada tırkei almaǧan, dep habarlaidy "Adyrna" ūlttyq portaly.
Ädılet ministrlıgı tüsındıruınşe, bala äkesınıŋ atyn qūjatta «ūly» nemese «qyzy» formasynda tırkeu mümkındıgı qarastyrylǧan.
Alaida jelıdegı jūrttyŋ aituynşa, kei jaǧdaida aqparattyq jüie qajettı aty-jöndı tırkeuge mümkındık bermeidı. Mäselen, bır qazaqstandyq äiel qyzynyŋ äkesınıŋ atyn «qyzy» formasymen räsımdemek bolǧan. Bıraq jüie familiiasy «-eva» jalǧauymen aiaqtalatyn jaǧdaida būl nūsqany qabyldamaǧan.
«Būl zaŋ boiynşa tyiym salynǧan ba, älde jüiede aqau bar ma?» – dep sūrady ol äleumettık jelıde.
Ädılet ministrlıgınıŋ mälımetınşe, Qazaqstan zaŋnamasynda azamattyŋ aty-jönı familiiasy men esımın qamtidy, al äkesınıŋ aty azamattyŋ qalauymen körsetıledı.
«Neke (erlı-zaiyptylyq) jäne otbasy turaly» kodekske säikes, balanyŋ tegı ata-anasynyŋ tegıne qarai anyqtalady. Eger ata-ananyŋ tegı ärtürlı bolsa, olardyŋ kelısımı boiynşa balaǧa äkesınıŋ nemese anasynyŋ tegı berıledı.
Sonymen qatar qazaq ūltynyŋ ökılderı öz qalauy boiynşa familiiasy men äkesınıŋ atyndaǧy «-ov», «-ev», «-ova», «-eva», «-ovich», «-evich» jäne basqa da jalǧaulardan bas tartyp, olardyŋ ornyna «ūly» jäne «qyzy» nūsqalaryn qoldana alady.
Iаǧni, «ūly» jäne «qyzy» formalaryn qoldanuǧa zaŋ jüzınde rūqsat etılgen. Al onlain räsımdeu kezınde mūndai nūsqanyŋ qabyldanbauy aqparattyq jüiege qatysty tehnikalyq mäsele boluy mümkın.
