Aqtöbedegı äskeri bölımde soqqyǧa jyǧylǧan aqtaulyq sarbazdyŋ anasy ūlynyŋ jaǧdaiy turaly aitty, dep habarlaidy «Adyrna» tılşısı Lada.kz-ke sılteme jasap.
Güldana Ketıbaevnyŋ sözınşe, ūly qatty aryqtap ketken.
«Közı şüŋıreiıp, saqal-mūrty ösıp ketken, qatty jüdeptı. Kiımın qoqystan tauyp alǧandai, öte las. Auystyratyn kiım de äkelmegen. Fizikalyq ta, emosionaldyq ta jaǧdaiy öte auyr. Jalpy, qarausyz qalǧan adam siiaqty körındı»,– dedı ol.
Aituynşa, kezdesuden keiın äskeri bölımnen ūlyna auystyratyn kiım äkelıngen. Äiel balasynyŋ densaulyǧyna da toqtaldy. Qazır oǧan kateter qoiylǧan, sebebı ol özdıgınen zär şyǧara almaidy.
Kezdesu kezınde sarbaz anasyna şap tūsyna soqqy jasalǧanyn rastaǧan. Äieldıŋ sözınşe, sodan keiın onyŋ jaǧdaiy naşarlap, däretke qalypty türde bara almai qalǧan.
Anasynyŋ aituynşa, soqqyǧa jyǧylǧannan keiın de serjanttar ūlyna auyrsynuyna bailanysty fizikalyq tūrǧyda oryndai almaityn tapsyrmalardy berudı jalǧastyrǧan. Tapsyrmalardy oryndamaǧany üşın ony qaitadan ūrǧan.
«Ekı täulık boiy ol zär şyǧara almaǧan. Tek sodan keiın ony Aqtöbe oblystyq auruhanasyna jetkızdı», – dedı sarbazdyŋ anasy.
Güldana Ketıbaevanyŋ aituynşa, äskeri prokuratura QR Qylmystyq kodeksınıŋ 451-babynyŋ 1-bölıgı («Bilıktı nemese lauazymdyq ökılettıkterdı asyra paidalanu») boiynşa qylmystyq ıs qozǧaǧan. Būl bap boiynşa 5000 AEK-ke deiın (21 625 000 teŋge) aiyppūl salu, sol mölşerde tüzeu jūmystaryna tartu, bes jylǧa deiın bas bostandyǧyn şekteu nemese sol merzımge bas bostandyǧynan aiyru jazasy qarastyrylǧan.
Äskeri qyzmetker soqqyǧa jyǧuǧa qatysy bar dep ataǧan serjanttardyŋ aty-jönın äiel äzırge jariia etpedı. Sebebı qazır ıs tergelıp jatyr.
Qazır anasy ūlyn basqa äskeri bölımge auystyrudy talap etıp otyrǧan joq. Ol balasynyŋ äskeri qyzmetten medisinalyq sebepter boiynşa bosatylǧanyn qalaidy. Qazırgı uaqytta ata-anasy ūlymen bırge Aqtöbe oblystyq auruhanasynda jatyr.
