Elimizdiń qurlyq áskerleriniń qolbasshylyǵy Jetisý oblysyndaǵy áskerı bólimde qaza tapqan jas sarbazdyń ólimine qatysty pikir bildirdi, dep habarlaıdy “Adyrna” ulttyq portaly.
Vedomstvo 14 Qańtarda Saryózek garnızonynda jaýyngerlik daıarlyq boıynsha dalalyq oqý-jattyǵý sabaqtary barysynda merzimdi qyzmettegi qatardaǵy áskerı qyzmetkerdiń qarýmen jumys isteý erejelerin buzý nátıjesinde ólimge ákeletin jaraqatyn alǵanyn rastady.
"Atalǵan fakti boıynsha qylmystyq is qozǵaldy. Sebepteri men jaǵdaılary anyqtalýda. Tergeý sharalary júrgizilýde. Oqıǵa ornynda Qurlyq áskerleriniń Bas qolbasshysy bastaǵan arnaıy komıssııa jumys isteıdi", - delingen habarlamada.
Qyzmette bul sarbazǵa oń baǵa berilgen. Bólim qolbasshylyǵynda oǵan qatysty aryz-shaǵym bolmaǵany atap ótildi. Qyzmettik mindetterin de tolyq oryndaǵan.
"Ata-anasynyń orny tolmas qaıǵysyn túsinemiz. Ár komandır úshin de skerı qyzmetkerdiń qazasy qaıǵyly jaǵdaı. Qurlyq áskerleriniń qolbasshylyǵy áskerı qyzmetkerdiń týystary men jaqyndaryna qaıǵyryp kóńil aıtady. Olarǵa barlyq qajetti kómek kórsetiledi", – dep tolyqtyrdy qolbasshy.
Eske sala keteıik, budan aldyn Jetisý oblysyndaǵy Saryózek áskerı bólimde sarbazdyń qaza tapqanyn habarladyq. Derekterge súıensek, onyń júregine oq tıgen.
