Elımızdıŋ qūrlyq äskerlerınıŋ qolbasşylyǧy Jetısu oblysyndaǧy äskeri bölımde qaza tapqan jas sarbazdyŋ ölımıne qatysty pıkır bıldırdı, dep habarlaidy “Adyrna” ūlttyq portaly.
Vedomstvo 14 Qaŋtarda Saryözek garnizonynda jauyngerlık daiarlyq boiynşa dalalyq oqu-jattyǧu sabaqtary barysynda merzımdı qyzmettegı qatardaǧy äskeri qyzmetkerdıŋ qarumen jūmys ısteu erejelerın būzu nätijesınde ölımge äkeletın jaraqatyn alǧanyn rastady.
"Atalǧan faktı boiynşa qylmystyq ıs qozǧaldy. Sebepterı men jaǧdailary anyqtaluda. Tergeu şaralary jürgızılude. Oqiǧa ornynda Qūrlyq äskerlerınıŋ Bas qolbasşysy bastaǧan arnaiy komissiia jūmys ısteidı", - delıngen habarlamada.
Qyzmette būl sarbazǧa oŋ baǧa berılgen. Bölım qolbasşylyǧynda oǧan qatysty aryz-şaǧym bolmaǧany atap ötıldı. Qyzmettık mındetterın de tolyq oryndaǧan.
"Ata-anasynyŋ orny tolmas qaiǧysyn tüsınemız. Är komandir üşın de skeri qyzmetkerdıŋ qazasy qaiǧyly jaǧdai. Qūrlyq äskerlerınıŋ qolbasşylyǧy äskeri qyzmetkerdıŋ tuystary men jaqyndaryna qaiǧyryp köŋıl aitady. Olarǧa barlyq qajettı kömek körsetıledı", – dep tolyqtyrdy qolbasşy.
Eske sala keteiık, būdan aldyn Jetısu oblysyndaǧy Saryözek äskeri bölımde sarbazdyŋ qaza tapqanyn habarladyq. Derekterge süiensek, onyŋ jüregıne oq tigen.
