Kaspii teŋızınıŋ taiazdanu mäselesı – halyqaralyq yntymaqtastyqty küşeitudı qajet etetın özektı ekologiialyq problemalardyŋ bırı. Būl turaly Äzerbaijan prezidentınıŋ klimat mäselelerı jönındegı ökılı Mūhtar Babaev mälımdedı, dep habarlaidy «Adyrna» tılşısı Caliber.Az-ge sılteme jasap.
«Bızdıŋ öŋırımız üşın Kaspii teŋızınıŋ taiazdanuy jyl saiyn alaŋdatarlyq mäselege ainalyp keledı. Būl ekojüielerge, eldı mekenderge, keme qatynasyna jäne ekonomikalyq qyzmetke äser etude. (…) Ortaq su resurstary şielenıs közıne ainalmauy kerek. Kerısınşe, olar yntymaqtastyqtyŋ, tūraqtylyq pen ortaq örkendeudıŋ faktory boluy qajet. Äzerbaijan üşın klimattyŋ özgeruı mäselesı – kün tärtıbındegı eŋ joǧary saiasi basymdyqtardyŋ bırı», – dedı Babaev 7 qyrküiekte Bakudegı 2026 jylǧy Klimattyq ıs-qimyldar aptalyǧynyŋ aşyluynda.
Babaevtyŋ aituynşa, klimattyŋ özgeruımen küreske baǧyttalǧan şaralar qazırdıŋ özınde bolyp jatqan özgerısterden adamdardy, ekonomikany jäne tabiǧi resurstardy qorǧauǧa baǧyttalǧan.
Onyŋ sözınşe, prezident İlham Älievtıŋ basşylyǧymen Äzerbaijan būl mäselenı öŋırlık jäne halyqaralyq kün tärtıbınde joǧary deŋgeige köteru, sondai-aq Kaspii maŋy memleketterı arasyndaǧy dialogty nyǧaitu baǧytynda jūmys jürgızgen.
«Ortaq su resurstary ortaq jauapkerşılıktı talap etedı. Transşekaralyq özender men kölderdıŋ basseinderınde 3 milliardtan astam adam tūrady. Al klimattyŋ özgeruı būl ortaq resurstarǧa barǧan saiyn ülken qysym körsetude», – dep qosty ol.
Suret: minval.az
