Ormūz būǧazy keme qatynasy üşın tolyǧymen jabylyp, İran qaruly küşterınıŋ baqylauyna öttı. Būl turaly İrannyŋ Joǧary ūlttyq qauıpsızdık keŋesınıŋ hatşysy Mohsen Rezai mälımdedı, dep habarlaidy «Adyrna» tılşısı Press TV-ge sılteme jasap.
Ol AQŞ prezidentı Donald Tramptyŋ strategiialyq maŋyzy zor būǧaz aşyq degen sözın «ülken ötırıkke» balady.
Rezaidyŋ aituynşa, aldaǧy künderı İslam Respublikasy Ormūz būǧazynyŋ syrtynda kıruge şekteu qoiylǧan aimaq qūrylatynyn jariialaidy. Sondai-aq ol Tegeranmen aldyn ala kelısımsız būl aimaqqa kırgen kez kelgen keme İrannyŋ sanksiialyq tızımıne engızıletının tüsındırdı.
Odan bölek, Rezai būǧaz arqyly ötuge tyrysqan amerikalyq kemelerge İran äskerı oq jaudyratynyn, alaida qorşaǧan ortaǧa ziian keltırmeu üşın olardy suǧa batyrmaitynyn aitty.
«İran mūnai tasymaldaityn kontrabandalyq amerikalyq kemelerdı suǧa batyrmau turaly şeşım qabyldady, öitkenı būl aimaqtaǧy qorşaǧan ortaǧa ziian keltıruı mümkın», – dedı ol.
Būǧan deiın Pentagonnyŋ Ortalyq qolbasşylyǧy (CENTCOM) AQŞ küşterı Hark araly maŋynda, Jask audanynda jäne Oman şyǧanaǧynda İrannyŋ üş mūnai tankerıne şabuyl jasaǧanyn habarlaǧan. Būǧan jauap retınde İran küşterı Ormuz būǧazynda AQŞ-pen bailanysy bar üş mūnai tankerıne soqqy jasaǧan.
