Täjıkstan Taiau Şyǧystaǧy, äsırese İran töŋıregındegı jaǧdaidyŋ uşyǧuyna bailanysty alaŋdauşylyq bıldırıp, kez kelgen äskeri äreketterge qarsy ekenın jäne barlyq qaqtyǧysty tek beibıt türde retteudı qoldaitynyn mälımdedı, dep habarlaidy «Adyrna» tılşısı.
El taraptardy BŪŪ jarǧysynyŋ qaǧidattaryn, halyqaralyq qūqyq normalaryn saqtauǧa jäne öŋırdegı beibıtşılık pen tūraqtylyqty qamtamasyz etuge küş saluǧa şaqyrdy.
Osylaişa Duşanbe AQŞ-tyŋ İran jaǧalaularyna jaqyn ornalasqan Parsy şyǧanaǧyndaǧy äskeri qatysuyn küşeituıne jauap qatyp otyr.
Būǧan deiın atalǧan aimaqqa AQŞ-tyŋ Abraham Lincoln atty äue tasymaldauşy kemesınıŋ kelgenı belgılı boldy. Sarapşylardyŋ mälımetınşe, būl kemede 90-ǧa juyq ūşaq pen tıkūşaq ornalasa alady, al keme tobynyŋ qūramyna «Tomagavk» zymyrandarymen jabdyqtalǧan üş esmines te kıredı.
Bırqatar BAQ-ta AQŞ äskerı ötken jyldyŋ soŋynan berı jalǧasyp kele jatqan jappai narazylyqtardy qataŋ basyp-janşyǧany üşın İran İslam Respublikasyna soqqy beruge daiyn degen aqparat taraǧan edı. AQŞ prezidentı Donald Tramp äue tasymaldauşy toptyŋ qozǧalysyna qatysty pıkır bıldırıp, «tamaşa armada» İran jaǧalaularyna jaqyndap kele jatqanyn aitqan. Aq üi basşysy Tegeranmen kelısımge keluge ümıttenetının jetkızgenımen, taraptar naqty qandai mäseleler boiynşa uaǧdalasuy tiıs ekenın naqtylamady.
Aita keteiık, İrandaǧy jappai narazylyqtar 2025 jylǧy 28 jeltoqsanda bastalǧan. Sol künı Tegerandaǧy bazar saudagerlerı bankrot bolu qaupıne qarsy narazylyq retınde dükenderın jaba bastaǧan. Köp ūzamai käsıpkerlerge olardyŋ tūtynuşylary, keiın eldegı eŋ saiasi belsendı top sanalatyn student jastardyŋ edäuır bölıgı qosylǧan.
Bilık būl oqiǧalarǧa syrtqy küşterdıŋ aralasuy sebep boldy degen nūsqany alǧa tartyp, AQŞ pen İzraildı aiyptady. Köp ūzamai bükıl el boiynşa internet öşırıldı. Soǧan qaramastan, jelıde İslam revoliusiiasy saqşylar korpusynyŋ narazylyqtardy küşpen taratyp, jappai tūtqyndaular jürgızgenın däleldeitın beinematerialdar paida boldy.
İrandaǧy qaza tapqandar sany 4 myŋnan 30 myŋ adamǧa deiın jetuı mümkın degen beiresmi aqparat bar. Alaida ükımettıŋ resmi deregıne süiensek, tärtıpsızdıkter kezınde 3117 adam qaza tapqan, olardyŋ 690-y «terrorister» dep atalǧan.
Sondai-aq İran bilıgı jappai narazylyqtar kezınde elde şamamen 30 myŋ adam qaza tapty degen aqparatty joqqa şyǧardy. Osy mälımdemelermen qatar, Tegeran AQŞ, İzrail jäne bırqatar terroristık ūiymdarǧa qarsy «İrannyŋ ūlttyq qauıpsızdıgıne qarsy baǧyttalǧan diversiialyq äreketterdı qoldady jäne qarjylandyrdy» degen aiyppen halyqaralyq sot organdaryna talap-aryz joldaitynyn habarlady.
Aita keteiık, äzırge Ortalyq Aziianyŋ Täjıkstannan basqa elderı būl mäselege qatysty reaksiia bıldırmedı.
