Qazaqstanda taǵy bir kásibı mereke – Memlekettik qyzmetter salasyndaǵy qyzmetkerler kúni paıda bolady. Jańa meıram jyl saıyn 15 sáýirde atalyp ótedi. Tıisti úkimet qaýlysynyń jobasy "Ashyq NQA" portalyndajarııalandy, dep habarlaıdy “Adyrna” ulttyq portaly.
"Qazaqstan Respýblıkasyndaǵy merekelik kúnderdiń tizbesi "Memlekettik qyzmetter salasyndaǵy qyzmetkerler kúni – 15 sáýir" degen tarmaqpen tolyqtyrylsyn", – delingen jazbada.
Qaýlyda memlekettik qyzmetter salasyndaǵy qyzmetkerlerdiń eńbek ujymy respýblıka boıynsha shalǵaı aýdandardy qosa alǵanda, oblystar men respýblıkalyq mańyzy bar qalalarda jumys isteıtini jazylǵan. Qyzmetkerlerdiń jalpy sany 20 myńnan astam adamdy quraıdy.
"Alaıda búgingi kúni memlekettik qyzmet kórsetý salasyndaǵy qyzmetkerlerdiń kásibı merekesin atap ótý múmkindigi joq jáne osyndaı mereke bolmaǵandyqtan, biryńǵaı kásibı qoǵamdastyq salasynyń bólshegi ekenin sezinbeıdi", – delingen jazbada.
Memlekettik qyzmet kórsetý salasynda kásibı merekelerdi atap ótýge qatysty halyqaralyq tájirıbe de zerdelengen.
