Jaŋa ortalyqtyŋ aşyluy Ürjar audany tūrǧyndarynyŋ medisinalyq kömek alu üşın auruhanaǧa jetu uaqytyn aitarlyqtai qysqartuǧa mümkındık beredı. Jüzdegen şaqyrymǧa sozylatyn aumaqta, äsırese jaz mezgılınde halyq sany bırneşe ese artatyn öŋır üşın būl jedel medisinalyq kömektıŋ qoljetımdılıgıne tıkelei äser etetın maŋyzdy mäsele.
Qūrylys auyldyq densaulyq saqtaudy jaŋǧyrtuǧa baǧyttalǧan ūlttyq joba aiasynda jürgızılude.
Terı arqyly koronarlyq aralasu ortalyǧynyŋ jobasy zamanaui medisinalyq qūral-jabdyqtar ornalasatyn jeke qosymşa ǧimaratta 12 tösek ornyn qarastyrady. Jobanyŋ merdıgerı – «AKM Invest Group» JŞS. Jobanyŋ jalpy qūny 3,1 mlrd teŋgenı qūraidy.
Qūrylys-montaj jūmystary barysynda sapany baqylau, belgılengen merzımderdı saqtau jäne qauıpsızdık talaptaryn oryndau qamtamasyz etılgen. Qazırgı uaqytta nysan qūrylysy aiaqtaluǧa jaqyn.
Jaŋa ortalyqtaǧy eŋ maŋyzdy jabdyqtardyŋ bırı qan tamyrlaryn joǧary däldıkpen zertteuge mümkındık beretın angiograf apparaty. Sonymen qatar barlyq palatalar jasandy tynys alu apparattarymen jäne är pasienttıŋ jaǧdaiyn baqylauǧa arnalǧan jeke monitorlarmen jabdyqtalady.
Ürjar audany ondaǧan eldı mekendı qamtidy. Turistık mausym kezınde mūnda keletın adamdar sany kürt artady. Mūndai jaǧdaida jedel medisinalyq kömektıŋ qoljetımdılıgı tek därıgerler men medisinalyq qūral-jabdyqtardyŋ boluyna ǧana emes, nauqastyŋ medisinalyq mekemege qanşa uaqytta jetkızıletınıne de bailanysty.
Qazırgı taŋda şūǧyl jürek operasiialaryn jasaityn eŋ jaqyn ortalyq Aiagöz qalasynda ornalasqan. Ürjar audanynan oǧan deiıngı qaşyqtyq – 175 şaqyrym.
Bügınde Ürjar jäne Maqanşy audandaryndaǧy medisinalyq qyzmet 57 519 adam tūratyn auqymdy aumaqty qamtidy. Qyzmet körsetu radiusy 410 şaqyrymnan asady.
Ürjar audanynda medisinalyq jelı 15 därıgerlık ambulatoriiadan, alty feldşerlık-akuşerlık jäne 13 medisinalyq punktten tūrady. Maqanşy audanynda toǧyz därıgerlık ambulatoriia, ekı feldşerlık-akuşerlık jäne alty medisinalyq punkt jūmys ısteidı.
Būl aumaqtaǧy densaulyq saqtau jüiesıne tüsetın jükteme jergılıktı tūrǧyndardyŋ sanymen ǧana şektelmeidı. Medisina qyzmetkerlerı 16 şekara beketıne, üş komendaturaǧa, şekara äskeri jasaǧynyŋ jeke qūramyna jäne olardyŋ otbasy müşelerıne, sondai-aq Jalaŋaşköl kömır razrezınıŋ jūmysşylaryna qyzmet körsetedı.
Taǧy bır maŋyzdy faktor – turistık mausym. Ürjar audany Alaköl kölıne jaqyn ornalasqan. Jaz mezgılınde kölge millionnan astam demaluşy keledı. Osy kezeŋde medisinalyq qyzmetke tüsetın jükteme de artady. Äsırese şūǧyl kömek bırneşe minut ışınde qajet bolatyn jaǧdailardyŋ täuekelı joǧarylaidy.
Ürjar audanynyŋ köpsalaly ortalyq audandyq auruhanasynyŋ bas därıgerınıŋ mındetın atqaruşy Amanjol İskakovtyŋ aituynşa, infarkt kezınde alǧaşqy «altyn saǧattyŋ» maŋyzy zor.
Ürjar audany men Aiagöz qalasynyŋ arasy – 175 şaqyrym. Amanjol İskakovtyŋ sözınşe, ırı qala üşın būl qaşyqtyq asa ülken bolyp körınbeuı mümkın. Alaida şūǧyl medisinalyq jaǧdaida ol nauqas üşın eleulı qauıp faktoryna ainalady.
Mūnda audan aumaǧynyŋ ūzaqtyǧyn, joldardyŋ jaǧdaiyn, aua raiyn, sondai-aq nauqasty aldymen şalǧai eldı mekennen alyp şyǧyp, keiın Aiagözge jetkızuge ketetın uaqytty eskeru qajet.
Al Semei qalasynan Ürjar audany şamamen 560 şaqyrym qaşyqtyqta ornalasqan. Sondyqtan auyr jaǧdaidaǧy nauqastardy oblys ortalyǧyna jedel jetkızu de mümkın emes.
Ürjar audany üşın būl mäsele onyŋ geografiialyq ornalasuyna bailanysty erekşe maŋyzdy. Auqymdy aumaq jaǧdaiynda körşıles qalaǧa deiıngı salystyrmaly türde qysqa qaşyqtyqtyŋ özı şūǧyl jaǧdaidaǧy nauqas üşın ömır men ölım arasyndaǧy küreske ainaluy mümkın. Al jaz mezgılınde audanǧa keletın adamdar sanynyŋ kürt artuy jaǧdaidy odan ärı qiyndatady.
Amanjol İskakov miokard infarktısı kezınde terı arqyly koronarlyq aralasu ädısınıŋ maŋyzy zor ekenın atap öttı. Mūnda da uaqyttyŋ är minuty maŋyzdy. Jürek būlşyqetı qalypty qan ainalymynsyz neǧūrlym ūzaq qalsa, zaqymdanu kölemı soǧūrlym ūlǧaiady.
Qazırgı uaqytta joba bekıtılgen jobalyq qūjattamaǧa jäne qūrylys salasyndaǧy talaptarǧa säikes jüzege asyryluda.
Ortalyqtyŋ ıske qosyluy mamandandyrylǧan medisinalyq kömektı halyqqa jaqyndatyp, der kezınde körsetıletın kömek arqyly talai nauqastyŋ ömırın saqtap qaluǧa mümkındık beredı.
