Qazaqstan men Özbekstan arasyndaǧy halyqaralyq temırjol qatynasynda jaŋa qyzmet türı engızıldı. Bügınnen bastap №½ Almaty – Taşkent poiyzynyŋ qūramynda alǧaş ret äielderge arnalǧan arnaiy vagon qatynaidy, dep habarlaidy "Adyrna" tılşısı.
Būl turaly "Qazaqstan temırjoly" kompaniiasynyŋ baspasöz qyzmetı habarlady.
Vagonda biletter tek äiel jolauşylarǧa satylady. Olarǧa äiel jolserıkter qyzmet körsetedı. Sondai-aq äielder özderımen bırge jetı jasqa deiıngı ūl balalardy alyp jüre alady.
Äielder vagony būǧan deiın Qazaqstan ışındegı temırjol baǧyttarynda engızılgen. Qyzmet ıske qosylǧaly berı ony 946 myŋnan astam jolauşy paidalanǧan.
№½ Almaty – Taşkent poiyzy kün saiyn qatynaidy. Almatydan poiyz 19:05-te jönelıp, Taşkentke jergılıktı uaqyt boiynşa 12:53-te keledı. Al kerı baǧyttaǧy poiyz Taşkentten 14:41-de şyǧyp, Almatyǧa 08:51-de jetedı.
