Foto: Önerkäsıp jäne qūrylys ministrlıgı
Qazaqstanda geologiialyq zertteu jūmystary küşeitılıp, perspektivaly jer qoinauy telımderın investorlarǧa ūsynu josparlanyp otyr. Alǧaşqy uchaskeler 2027 jyldan bastap auksion arqyly satylymǧa şyǧarylmaq.
QR Önerkäsıp jäne qūrylys ministrlıgınıŋ mälımetınşe, qazırgı uaqytta elımızdıŋ 20 uchaskesınde geologiialyq zertteu jürgızılıp jatyr. Biyl 1:50 000 masştabtaǧy geologiialyq tüsırılım jūmystary bastalǧan. Zertteu jūmystary 11 öŋırdı qamtidy, al jalpy aumaq 100 myŋ şarşy şaqyrymnan asady.
Ūlytau oblysynda jetı uchaskede keşendı geologiialyq zertteu jürgızılude. Onyŋ jalpy aumaǧy 36 myŋ şarşy şaqyrymdy qūraidy.
Zertteu barysynda zamanaui tehnologiialar qoldanylyp jatyr. Mamandar aeromagnittık tüsırılım, aerogamma-spektrometriia, aerogravimetriia, Jerdı qaşyqtan zondtau jäne ūşqyşsyz aerogeofizikalyq keşender arqyly mälımet jinauda. Sondai-aq joǧary däldıktegı Ionic Leach geohimiialyq ädısı paidalanyluda.
Ūlytau jäne Abai oblystarynda būǧan deiın şamamen 300 ūŋǧyma būrǧylanǧan.
Önerkäsıp jäne qūrylys ministrı Ersaiyn Naǧaspaevtyŋ aituynşa, geologiialyq zertteulerdıŋ negızgı maqsaty — jer qoinauy turaly sapaly ärı naqty aqparat qalyptastyru. Būl öz kezegınde geologiialyq barlauǧa investisiia tartuǧa jäne önerkäsıp salalaryn damytuǧa mümkındık beredı.
Memlekettık geologiialyq zertteu baǧdarlamasy aiasynda perspektivaly uchaskelerdıŋ bıryŋǧai sifrlyq kadastry da jasalyp jatyr. Är uchaskege elektrondy pasport äzırlenıp, onda onyŋ geologiialyq äleuetı turaly aqparat jinaqtalady.
Ministrlık būl jüie geologiialyq aqparattyŋ aşyqtyǧyn arttyryp, investorlar üşın qajettı mälımetterdı aludy jeŋıldetetının atap öttı.
