Almaty oblysy Mätıbūlaqtaǧy äskeri bölımde 19 jastaǧy sarbaz köz jūmdy. Būl turaly marqūmnyŋ äpkesı Eŋlık Qaltaeva aitty, dep habarlaidy «Adyrna» tılşısı.
Aituynşa, 2024 jyldyŋ küzınde äskerge onyŋ bauyry Daniial Şynarbek şaqyrylǧan. Köktemde onyŋ syŋary Dınmūhamed Şynarbek te äskerge ketken.
«Olar bastapqyda bırge qyzmet ettı, bıraq ant qabyldaǧannan keiın Dınmūhamedtı Mätıbūlaqtaǧy 01098 äskeri bölımıne auystyryp, bauyrynan ajyratyp qoidy. Al egızderdı böluge bolmaidy. Däl sol jerde qaiǧyly oqiǧa boldy. Bügın bızge Dınmūhamed Şynarbektıŋ özıne qol jūmsaǧanyn aitty», — dedı sarbazdyŋ äpkesı.
29 tamyzda Dınmūhamed 19 jasqa tolǧan. Äpkesınıŋ aituynşa, ol eŋbekqor, meiırımdı, bolaşaǧyna ümıtpen qaraǧan jıgıt bolǧan.
«Bız qaiǧydan qan jūtyp otyrmyz. Onyŋ öz-özıne qol jūmsaǧanyna sene almaimyz. Nege beibıt zamanda osyndai jas jıgıtter qaza tabuy kerek? Bızge şyndyq pen ädılet kerek», — dedı Eŋlık Qaltaeva.
Qazaqstan qūrlyq äskerınıŋ baspasöz qyzmetı būl jaǧdaiǧa qatysty tüsınıkteme berdı.
«17 qyrküiekte gvardiialyq garnizonnyŋ äskeri bölımderınıŋ bırınde jedel qyzmettıŋ äskeri qyzmetkerı öz-özıne qol jūmsady. Qylmystyq ıs qozǧaldy. Qūrlyq äskerınıŋ bas qolbasşysy män-jaidy anyqtau üşın arnaiy komissiia jıberdı»,- delıngen habarlamada.
