Qazaqstan Prezidentı Qasym-Jomart Toqaev İtaliia premer-ministrı Djordja Melonidı onyŋ ükımetınıŋ el tarihyndaǧy eŋ ūzaq uaqyt qyzmet atqarǧan ükımetke ainaluyna bailanysty qūttyqtady. Memleket basşysy būl turaly özınıŋ H äleumettık jelısındegı paraqşasynda jazdy, dep habarlaidy "Adyrna".
Toqaev Djordja Melonidıŋ köşbasşylyǧyna joǧary baǧa berıp, onyŋ ūlttyq müddenı qorǧauǧa degen ūstanymy İtaliianyŋ ekonomikalyq ösımın saqtauǧa jäne halyqaralyq arenadaǧy bedelın nyǧaituǧa yqpal etkenın atap öttı.
«Men onyŋ Qazaqstan men İtaliia arasyndaǧy dostyq ärı strategiialyq serıktestıktı nyǧaituǧa qosqan ülesın joǧary baǧalaimyn», – dep jazdy Prezident.
Sondai-aq Qasym-Jomart Toqaev İtaliia premer-ministrıne jauapty qyzmetınde tabys tılep, eldıŋ odan ärı damuy men örkendeuıne baǧyttalǧan jūmysyna sättılık tıledı.
Aita keteiık, Djordja Meloni 2025 jylǧy mamyrda Qasym-Jomart Toqaevtyŋ şaqyruymen Qazaqstanǧa resmi saparmen kelgen bolatyn. Sapar barysynda İtaliia ükımetınıŋ basşysyn Memleket basşysy Astana äuejaiynda qarsy aldy.
Keiın Aqordada Qazaqstan Prezidentı men İtaliia premer-ministrınıŋ kelıssözderı öttı. Taraptar sauda-ekonomikalyq jäne investisiialyq yntymaqtastyqty odan ärı damytu mäselelerın talqylady.
Djordja Meloni 2022 jylǧy 22 qazannan berı İtaliia Ükımetın basqaryp keledı. Ol el tarihyndaǧy Ministrler keŋesınıŋ töraǧasy qyzmetıne kelgen alǧaşqy äiel sanalady. Meloni būǧan deiın Silvio Berluskonidıŋ törtınşı ükımetınde jastar ısı jönındegı ministr qyzmetın atqarǧan.
Ol 2014 jyldan berı «İtaliia bauyrlary» partiiasyn basqarady. 2020 jyldan bastap Europalyq konservatorlar men reformatorlar partiiasynyŋ jetekşısı.
