Memleket basshysy Májilis tóraǵasy Erlan Qoshanovty qabyldady. Prezıdentke Parlament Májilisiniń qazirgi zań shyǵarý qyzmeti týraly aqparat berildi. Bul týraly Aqordanyń baspasóz qyzmeti málimdedi, dep habarlaıdy “Adyrna” ulttyq portaly.
Májilis depýtattary «Adam quqyqtary jónindegi ýákil týraly», «Konstıtýııalyq sot týraly», «Prokýratýra týraly» zań jobalaryn, sondaı-aq birqatar konstıtýııalyq jáne basqa da zańdarǵa engiziletin ózgeristerdi qarastyryp, Senatqa joldady. Atalǵan qujattardy talqylaýǵa sarapshylar toby qatysty jáne qoǵam men BAQ úshin jarııa túrde ótti.
Palata maquldaǵan zań jobalary bıylǵy 5 maýsymda ótken referendýmda halyq daýys bergen konstıtýııalyq reformalardyń negizgi erejelerin júzege asyrýǵa baǵyttalǵan. Engiziletin zań normalary azamattardyń konstıtýııalyq quqyqtarynyń qorǵalýyn kúsheıtýge jáne turǵyndardyń elimizdiń saıası ómirine aralasý múmkindigin keńeıtýge septigin tıgizedi.
Erlan Qoshanov Qasym-Jomart Toqaevqa parlamenttik dıplomatııa jáne shet memleketterdiń zań shyǵarýshy organdarymen aradaǵy is-áreketter aıasyndaǵy jumystardyń negizgi basymdyqtary týraly aıtty.
Májilis tóraǵasy Toqaevqa Túrkııanyń Iznık qalasynda ótken IV Dúnıejúzilik kóshpendiler oıyndarynyń saltanatty ashylý rásimine elimizdiń delegaııasynyń qatysqany jóninde baıandady. Túrki qoǵamdastyǵy V Dúnıejúzilik kóshpendiler oıyndaryn 2024 jyly Qazaqstanda ótkizý jónindegi usynysty biraýyzdan qoldady.
”Adyrna” ulttyq portaly
