Qazaqstan Prezidentı Qasym-Jomart Toqaev TMD elderı qauıpsızdık organdary men arnauly qyzmetterı basşylary keŋesınıŋ 55-şı otyrysyna qatysuşylarmen kezdestı. Būl turaly Aqorda mälımdedı, dep habarlaidy “Adyrna” ūlttyq portaly.
Memleket basşysy būl alaŋnyŋ qauıpsızdık salasyndaǧy küş-jıgerdı üilestıru tetıgı retınde tanylǧanyn, sondai-aq qazırgıdei kürdelı kezeŋde Keŋestıŋ rölı būrynǧydan da artyp kele jatqanyn atap öttı.
Prezident şūǧyl jäne saraptamalyq aqparatpen der kezınde almasu öŋırlık qauıpsızdıkke tönetın qauıpter men syn-qaterlerge qarsy tūru qabıletın arttyra tüsuge jäne elderımızdıŋ ūlttyq müddelerın qorǧau üşın üilestırılgen täsılderdı daiyndauǧa yqpal etetının aitty.
Memleket basşysy būl kezdesudıŋ qorytyndysy halyqaralyq qauıpsızdıktı qamtamasyz etu salasyndaǧy yntymaqtastyqty nyǧaituǧa septıgın tigızıp, Dostastyq memleketterınıŋ arnauly qyzmetterı arasyndaǧy özara yqpaldastyqty odan ärı damytuǧa oŋtaily jaǧdai jasaitynyna senım bıldırdı.
Jiynǧa Äzerbaijan, Armeniia, Belarus, Qazaqstan, Qyrǧyzstan, Resei, Täjıkstan, Özbekstan elderınıŋ, sondai-aq TMD terrorizmge qarsy ortalyǧy men Atqaruşy komitetı delegasiialarynyŋ basşylary qatysty
