VI Düniejüzılık köşpendıler oiyndarynyŋ aralyq nätijesı boiynşa Qazaqstan qūramasy jalpykomandalyq esepte bırınşı orynda tūr. Būl turaly Turizm jäne sport ministrlıgı jazdy, dep habarlaidy “Adyrna”.
4 qyrküiektegı mälımetke säikes, qazaqstandyq sportşylardyŋ enşısınde 55 medal bar. Onyŋ 25-ı – altyn, 13-ı – kümıs, 17-sı – qola.
Jalpykomandalyq esepte ekınşı orynda Qyrǧyzstan qūramasy ornalasqan. Qyrǧyzstan sportşylary 23 altyn, 24 kümıs jäne 11 qola medal ielenıp, jalpy 58 jülde jinaǧan. Üzdık üştıktı Resei qūramasy tüiındep tūr. Resei sportşylarynyŋ qorjynynda 4 altyn, 6 kümıs jäne 13 qola medal bar.
Qazaqstandyqtar jarys baǧdarlamasyna engen 42 sporttyŋ 31 türınde baq synap ülgerdı. Otandastarymyz audaryspaq, qazaq küresı, alyş, armrestling, sambo, arqan tartu, dästürlı sadaq atu, at jarystary, qūsbegılık jäne özge de sport türlerınen jüldelı oryndarǧa ie boldy.
Degenmen, jarystar älı aiaqtalǧan joq. Sondyqtan aldaǧy bäsekelerdıŋ qorytyndysyna qarai komandalardyŋ jalpykomandalyq eseptegı pozisiiasy özgeruı mümkın. Qazaqstan sportşylary älı 11 sport türınen synǧa tüsedı.
Aita keteiık, VI Düniejüzılık köşpendıler oiyndaryna älemnıŋ 113 elınen şamamen 3 myŋ sportşy qatysyp jatyr.
