Bügın, 6 qyrküiekte Qazaqstan prezidentı Qasym-Jomart Toqaev Marat Sūltanǧazievtı Almaty oblysynyŋ äkımı qyzmetınen bosatty, dep habarlaidy “Adyrna”.
"Memleket basşysynyŋ Jarlyǧymen Marat Eleusızūly Sūltanǧaziev Almaty oblysynyŋ äkımı lauazymynan bosatyldy", – dep jazylǧan resmi aqparatta.
Öŋır äkımınıŋ auysuy mümkın ekenı 3 qyrküiekte habarlanǧan bolatyn. Qonaev qalasynda Almaty oblysynyŋ aumaǧynda ornalasqan mäslihattar deputattarynyŋ jaŋa äkımdı taǧaiyndauǧa kelısım beru jönındegı jiyny ötuge tiıs edı.
Marat Sūltanǧaziev eŋbek jolyn 1997 jyly Almaty qalasynyŋ salyq jüiesınde bastaǧan. Ol Äuezov audany boiynşa Salyq komitetınıŋ salyq auditı bölımınde salyq inspektory bolyp jūmys ıstedı.
1999-2001 jyldary Almaty qalasy boiynşa Salyq komitetınde salyq inspektorynan zaŋdy tūlǧalar auditı bölımınıŋ bas salyq inspektoryna deiıngı türlı qyzmetterdı atqardy.
2001-2006 jyldary Almaty qalasynyŋ Bostandyq audany boiynşa Salyq komitetınıŋ audit bölımın basqardy.
2006-2008 jyldary Almaty qalasy boiynşa Salyq komitetınıŋ salyqtyq apelliasiialar, tüsındıru jäne qūqyqtyq qamtamasyz etu basqarmasyna, keiın salyq auditı basqarmasyna jetekşılık ettı.
2008-2010 jyldary Almaty qalasy boiynşa Salyq departamentı bastyǧynyŋ orynbasary boldy.
2010-2012 jyldary QR Qarjy ministrlıgınıŋ Salyq jäne keden zaŋnamasy mäselelerın üilestıru, kırısterdı taldau jäne boljau departamentınıŋ direktory qyzmetın atqardy.
2012-2014 jyldary QR Prezidentı Äkımşılıgınıŋ Äleumettık-ekonomikalyq monitoring bölımı sektorynyŋ meŋgeruşısı bolyp jūmys ıstedı.
2014 jylǧy qaraşadan 2018 jylǧy qazanǧa deiın QR Qarjy ministrlıgı Memlekettık kırıster komitetınıŋ Almaty qalasy boiynşa Memlekettık kırıster departamentın basqardy.
2018-2021 jyldary QR Qarjy ministrlıgı Memlekettık kırıster komitetınıŋ töraǧasy boldy.
2021 jylǧy mamyrda QR qarjy vise-ministrı, al 2022 jylǧy qaŋtarda qarjy bırınşı vise-ministrı bolyp taǧaiyndaldy.
2022 jylǧy 11 mausymda Almaty oblysynyŋ äkımı qyzmetıne kırıstı. Sol jyldyŋ jeltoqsanynda būl lauazymǧa qaita taǧaiyndaldy.
