Germaniialyq saiahatşy Lara Zioldner Qazaqstannan Özbekstanǧa ötu kezınde kütpegen qiyndyqqa tap boldy. Ol Beineu kentınen poiyzben ketpek bolǧanymen, velosipedıne qatysty talaptarǧa bailanysty vagonǧa kırgızılmegen, dep habarlaidy “Adyrna” ūlttyq portaly Tengrinews saityna sıltep.
Saiahatşy būl jaǧdaidy Instagram-da jariialap, video 5,3 millionnan astam qaralym jinaǧan.
Laranyŋ aituynşa, Qazaqstannan Özbekstanǧa tıkelei ötuge mümkındık bolmaǧandyqtan, elden poiyz arqyly şyǧudy josparlaǧan. Alaida şekaradaǧy jaǧdaiǧa bailanysty poiyz biletterınıŋ barlyǧy derlık satylyp ketken.
Ol bos oryn paida bolady degen ümıtpen bırneşe kün vokzalda kütuge mäjbür bolǧan. Keiın Şymkentke deiın bilet alyp, sol jerden şekaradan ötudıŋ jolyn qarastyrmaq bolǧan.
«Bes kün boiy qolymdaǧy biletpen ketuge tyrysyp, şekara arqyly ötetın toly poiyzdardyŋ bırıne mınuge mümkındık kütıp jürdım. Bıraq jolym bolmady», – deidı saiahatşy.
Aqyry jeksenbı künı Lara bilet satyp alǧan. Onyŋ sözınşe, būǧan deiın velosipedpen bailanysty mäsele bolmaityny aitylǧan. Alaida poiyzǧa otyrar sätte jaǧdai özgerıp ketken.
Saiahatşynyŋ aituynşa, qyzmetkerler ony velosipedpen vagonǧa kırgızbegen. Ol bırneşe kün kütkennen keiın poiyzǧa otyra almaǧanyna aşulanǧanyn jäne bilet qūny tolyq qaitarylmaǧanyn aitty.
Lara oqiǧany videoǧa tüsırıp, Instagram paraqşasynda jariialaǧan. Jazba qysqa uaqyt ışınde keŋ tarap, 5,3 millionnan astam qaralym jinady.
Jelı qoldanuşylarynyŋ pıkırlerı ärtürlı boldy. Bırı Qazaqstandaǧy poiyzdarda velosiped tasymaldau tärtıbı turaly aldyn ala bılu kerek ekenın aitsa, endı bırı saiahatşyǧa polisiiadan kömek sūrauǧa keŋes bergen.
Saiahatşynyŋ mälımetınşe, ol äzırge Beineude qalyp otyr jäne ärı qarai saparyn qalai jalǧastyratynyn şeşpegen.
Lara qiyn jaǧdaida oǧan kömektesuge tyrysqan jergılıktı äielge de alǧysyn bıldırdı. Saiahatşynyŋ aituynşa, ol nemıs, qazaq jäne orys tılderın erkın meŋgergen.
Oqiǧaǧa qatysty «Jolauşylar tasymaly» kompaniiasy öz tüsınıktemesın berdı. Tasymaldauşynyŋ mälımetınşe, mäsele velosipedtıŋ boluynda emes, ony bölşektemei jäne qaptamasyz poiyzǧa alyp kıruge äreket jasalǧanynda.
Kompaniia qoldanystaǧy erejege säikes, qozǧaltqyşy joq velosiped qol jügı retınde tek bölşektelıp, arnaiy qaptamaǧa salynǧan jaǧdaida ǧana jolauşylar vagonynda tasymaldanatynyn tüsındırdı. Al kölemı ülken jäne qaptalmaǧan velosipedterdı jolauşylar vagonyna kırgızuge bolmaidy.
Kompaniia ökılderınıŋ aituynşa, jolserıkter Laraǧa balama nūsqa ūsynǧan. Poiyz qūramynda tırkemelı jük vagony bolǧandyqtan, velosipedtı bagaj retınde sol vagonmen jıberuge mümkındık bolǧan.
Alaida poiyzdyŋ jöneluıne az uaqyt qalǧan. Sondyqtan saiahatşylar velosipedtı bagaj retınde räsımdep ülgermei, poiyzǧa otyrmai qaludy taŋdaǧan.
Tasymaldauşy bilet aqşasy tolyq kölemde emes, belgılengen qaitaru tärtıbıne säikes tiıstı ūstalymdar jasalǧannan keiın qaitarylatynyn habarlady.
