Buriatiiada eldı mekender men turistık nysandar maŋynda aiulardyŋ jiı paida boluyna bailanysty qauıpsızdık şaralary küşeitıldı, dep habarlaidy "Adyrna" tılşısı.
Būl turaly öŋırlık januarlar düniesın qorǧau, baqylau jäne paidalanu basqarmasy habarlady.
Vedomstvo mälımetınşe, aiu aulaityn käsıbi aŋşylardan qūralǧan 17 brigada jasaqtalǧan. Olar respublikanyŋ 10 audanynda jūmys ısteidı. Taǧy 11 audanda osyndai brigadalardy qūru jūmystary jalǧasyp jatyr.
Brigadalar memlekettık aŋşylyq inspektorlarymen bırlesıp jūmys ısteidı. Olar aiudyŋ tūrǧyn üilerge jaqyndaǧany turaly habar tüsken jaǧdaida oqiǧa ornyna baryp, qauıp rastalsa, januardy tabiǧi ortadan alu şaralaryn jürgızedı. Sonymen qatar öŋırde qoǧamdyq aŋşylyq inspektorlarynan qūralǧan mobildı toptar da jūmys ısteidı.
Qoryqtar men ūlttyq parkterde aiu sanyn retteu şaralaryn äkımşılık özderı jürgızedı. Būl jūmystar tabiǧatty qorǧau zaŋnamasyna jäne keluşıler men ekojüiege tönetın qauıp deŋgeiıne säikes jüzege asyrylady.
Jyl basynan berı Buriatiiada aiulardyŋ eldı mekender, avtomobil joldary, turistık jäne öndırıstık nysandar maŋynda paida bolǧan 52 jaǧdaiy tırkelgen. Mamandar mūnyŋ negızgı sebepterı retınde maldy baqylausyz jaiudy, retsız qoqys oryndarynyŋ boluyn jäne tūrǧyn üilerdıŋ taigaǧa jaqyn ornalasuyn atap otyr.
Aiulardyŋ eldı mekenderge şyǧu jaǧdailarynyŋ jiıleuıne bailanysty qauıpsızdık şaralaryn küşeitu turaly şeşım 25 tamyzdan bastap öŋır basşysy Aleksei Sydenovtıŋ tapsyrmasymen jüzege asyrylyp jatyr.
Sonymen qatar Buriatiia ükımetı aiulardy zaŋdy türde aulaudy yntalandyru üşın ärbır aulanǧan aiuǧa 6 myŋ rubl kölemınde tölem belgıledı. 2026 jylǧa būl maqsatqa öŋır biudjetınen 4,7 million rublden astam qarajat bölıngen.
Qazır aŋşylardan 50 ötınış tüsken. Onyŋ 45-ı boiynşa tiıstı tölemder jürgızılgen.
