Reseı áskerleri basyp alǵan Ýkraınanyń Herson oblysynyń Kıselevka aýylynda Býrıatııa men Sheshenstannan kelgen áskerıler arasynda atys boldy. Bul týraly Ýkraına qorǵanys mınıstrliginiń bas barlaý departamenti málimdedi, dep habarlaıdy “Adyrna” ulttyq portaly.
«Ultaralyq qaqtyǵys sebepteri býrıattardyń shabýyldaý áskerı qımyldaryn júrgizýge daıyn emestigi men jaǵdaıdyń sheshen kúshteri men «teń emes» ekeninde. Qadyrov áskeri maıdan shebine múldem barmaı, tek tylda qalady. Olardyń mindeti – basqa bólimshelerdi belsendi áreketterge shaqyrý, sheginýge tyrysqandarǵa ashyq oq atý» delingen Ýkraına Qorǵanys mınıstrliginiń Bas barlaý basqarmasynyń resmı telegram-kanalynda.
Al ekinshi sebep – Sheshenstannan kelgen qurama jaýyngerler oljanyń kóp bóligin berýdi talap etkende, oljanyń birkelki bólinbeýi.
Sonymen qatar, Ýkraınany Reseıdiń áskerı agressııasynan qorǵaǵan sheshen erikti jasaqtarynyń biriniń jaýyngeri Qadyrovtyń áskerleri men basqynshylar arasyndaǵy qaqtyǵystar týraly aıtty. Sonymen birge oljany bólýge qatysty janjaldy jaǵdaılar «taza reseılik oblystardan» kelisimshart boıynsha sarbazdar qyzmet etetin bólimsheler arasynda da oryn alady.
Ýkraınadaǵy soǵys aımaǵynda júrgen «Sova» ýkraındyq sarapshylar tobynyń jetekshisi, professor Mıhaıl Savva Qadyrov áskeri men basqa reseılik áskerıler arasyndaǵy birinshi qaqtyǵys emes ekenin aıtty.
«Naýryz aıynyń basynda-aq Sheshenstannan kelgen bólimsheler basqa bólimsheler úshin tosqaýyldyq jasaq retinde áreket etip jatqany týraly aqparat paıda boldy. Al Qadyrovtyń adamdary Kıev oblysynda onnan astam reseılik jaralanǵandardy evakýaııalamaǵan oqıǵa boldy. Birqatar oblystarda Qadyrov bólimsheleri urys qımyldarynyń birinshi shebine qatyspaıdy. Rólderdiń mundaı bólinýi olarǵa basqa reseılik qurylymdar músheleriniń óshpendiligin týdyrady» dedi professor Savva.
Sarapshy jalǵasyp jatqan qaqtyǵystardy resmı túrde ulttyq qarýly quramalar joq. Biraq is júzinde kelisim-shart boıynsha sarbazdardy alý óz aımaqtarynda júzege asyrylatyn Reseı áskerindegi júıeli máseleniń kórsetkishi dep atady. Sonyń saldarynan sheshen, býrıat jáne t.b. ulttyq qurylymdar paıda bolady.
“Adyrna” ulttyq portaly
