Qairat Satybaldy ūzaq uaqyttan keiın alǧaş ret köpşılık aldynda boi körsettı, dep habarlaidy "Adyrna" ūlttyq portaly.
Ol Bauyrjan Momyşūly atyndaǧy äskeri-sport kolledjınde kursanttarmen kezdesıp, eskertkışke gül qoiu räsımıne qatysqan. Ochy sättıŋ beinesı kolledj paraqşasynda jariialanǧan.
Aita keteiık, Qairat Satybaldyūly — B.Momyşūly atyndaǧy äskeri-sport kolledjınıŋ tülegı.
Qairat Satybaldyūly — Qazaqstannyŋ tūŋǧyş prezidentı Nūrsūltan Nazarbaevtyŋ nemere ınısı, būrynǧy ŪQK qyzmetkerı jäne general-maior. Ol är jyldary Astana äkımınıŋ orynbasary, «Kazakh Oil» ūlttyq kompaniiasynyŋ vise-prezidentı, «Qazaqstan temır joly» ūlttyq kompaniiasy» AQ bırınşı vise-prezidentı jäne Nur Otan partiiasynyŋ hatşysy qyzmetterın atqarǧan. Sonymen qatar Forbes Kazakhstan tızımındegı yqpaldy käsıpkerlerdıŋ bırı retınde tanylǧan.
2022 jyly Qairat Satybaldyūly asa ırı kölemde qarjy jymqyru jäne senıp tapsyrylǧan mülıktı iemdenu küdıgımen ūstalǧan bolatyn. Keiın sot ony kınälı dep tanyp, mülkın tärkıleumen bırge alty jyl bas bostandyǧyn şekteu turaly jaza taǧaiyndady.
Degenmen, 2024 jyly qyrküiekte Qairat Satybaldy bostandyqqa şyqqan. Sot onyŋ şartty türde merzımınen būryn bosap şyǧu turaly ötınışın qanaǧattandyryp, öteuı tiıs 3 jyl 3 ai merzımdı Almatyda, probasiialyq baqylauda ötkızetını habarlanǧan.
Sot ükımıne deiın eks-prezident Nūrsūltan Nazarbaevtyŋ nemere ınısı Qazaqstanǧa jymqyrǧan 783 mlrd teŋgenıŋ aktivterın qaitaryp, halyq pen prezidentten keşırım sūraǧan edı.
