Norvegiia korolı V Harald 89 jasynda ömırden öttı. Būl turaly BBC koroldık baspasöz qyzmetıne sılteme jasap jazdy, dep habarlaidy "Adyrna".
Monarh jūma künı taŋerteŋ Oslo universitetınıŋ auruhanasynda köz jūmǧan. Ol ekı apta būryn gemolitikalyq anemiia diagnozymen auyr jaǧdaida auruhanaǧa tüsken. Būl dert kezınde eritrositter qalyptydan jyldamyraq būzylady.
V Harald soŋǧy jyldary densaulyǧyna bailanysty bırneşe ret em qabyldaǧan. 2003 jyly oǧan quyqtaǧy qaterlı ısıktı alyp tastau üşın operasiia jasalsa, 2024 jyly jürek qyzmetın qalypqa keltıru üşın kardiostimuliator ornatylǧan.
Densaulyǧyna qatysty qiyndyqtarǧa qaramastan, korol taqtan ketudı josparlamaǧan. Ol Norvegiia parlamentıne elge ömır boiy adal qyzmet etuge ant bergenın aityp, monarh mındetın jalǧastyratynyn bırneşe ret mälımdegen.
V Harald Norvegiia tarihyndaǧy maŋyzdy tūlǧalardyŋ bırı sanalady. Ol XIV ǧasyrdan berı Norvegiia aumaǧynda düniege kelgen alǧaşqy norvegiialyq korol boldy.
Harald 1991 jyly äkesı V Olav qaitys bolǧannan keiın taqqa otyrdy. Osy uaqyt ışınde ol eldegı eŋ tanymal qoǧamdyq tūlǧalardyŋ bırıne ainalyp, Norvegiia halqy arasynda keŋ qoldauǧa ie boldy.
