foto: frankmonstrey.be
Belgiialyq investor Frenk Monstreige Qazaqstannan keiın Resei Federasiiasy da ızdeu jariialady. Būl turaly Resei Işkı ıster ministrlıgınıŋ ızdeu jüiesındegı mälımetterge süiengen QazTAG agenttıgı jazdy, dep habarlaidy "Adyrna".
Resei IIM-nıŋ avtomattandyrylǧan jüiesınde Frenk Monstreidıŋ ızdeu kartochkasynda onyŋ «Qylmystyq kodekstıŋ baby boiynşa ızdeude» jürgenı körsetılgen. Alaida äzırge ızdeudıŋ naqty qandai qylmystyq ıs nemese bap boiynşa jariialanǧany turaly tolyq aqparat joq.
Būǧan deiın Monstrei Qazaqstannyŋ Ūlttyq qauıpsızdık komitetı (ŪQK) tarapynan da ızdeuge jariialanǧan bolatyn.
Frenk Monstrei — Qazaqstannyŋ mūnai-gaz sektorynda investisiialyq qyzmetımen belgılı belgiialyq käsıpker. Aşyq derekterge säikes, 2010 jyly ol Zhaikmunai kompaniiasynyŋ 40,5 paiyzdyq ülesın baqylaǧan.
Zhaikmunai mūnai jäne gaz kondensaty ken oryndaryn barlau jäne igeru baǧytynda jūmys ısteitın kompaniia retınde belgılı. Kompaniia Qazaqstandaǧy mūnai-gaz jobalaryna qatysyp, Batys Qazaqstan öŋırındegı aktivterımen tanylǧan.
Monstrei sondai-aq Nostrum Oil kompaniiasynyŋ aksiialarynyŋ ielerınıŋ bırı bolǧan. Atalǧan kompaniia da Qazaqstandaǧy mūnai-gaz aktivterımen bailanysty ırı investorlardyŋ qatarynda boldy.
Qazırgı taŋda Frenk Monstreidıŋ Qazaqstan men Reseide ızdeude boluynyŋ naqty sebepterı turaly qosymşa resmi mälımetter jariialanǧan joq. Onyŋ üstınen qandai ıs qozǧalǧany jäne ekı eldegı ızdeudıŋ özara bailanysy bar-joǧy äzırge belgısız.
