Vaşingtonda ötken baiqauda qazaqstandyq injener Erlan Älımhanov äzırlegen «MEGADRONE360» köpfunksiialy drony üzdık ondyqqa kırdı, dep habarlaidy "Adyrna" ūlttyq portaly.
Şyǧys Qazaqstan oblysynda düniege kelgen mamannyŋ jobasy AQŞ-tyŋ 200-den astam kompaniiasy ūsynǧan jūmystar arasynan ırıktelıp, finalist atandy. Dron ekı jyl boiy Amerikada qūrastyrylǧan.
«MEGADRONE360» apparaty moduldık qūrylymymen jäne 360 gradusqa tolyq ainalatyn platformasymen erekşelenedı. Būl jüie drondy äskeri jäne azamattyq maqsattarda qoldanuǧa mümkındık beredı. Qūrylǧyǧa tötenşe jaǧdailarda kömektesuge arnalǧan modulder, jaryqtandyru projektorlary, medikament pen jük jetkızu qūraldary, qūrǧaq himiialyq zattarmen ört söndıretın mehanizm ornatuǧa bolady.
Avtordyŋ aituynşa, dron feierverk ıske qosu, auyr kamera tasymaldau siiaqty salalarda da qoldanuǧa tiımdı. Qazırgı uaqytta qūrylǧynyŋ mümkındıkterın keŋeitu – mobildı kün elektr stansiiasyn jäne jermen qozǧalatyn robottyq jüienı engızu baǧytynda jūmystar jürgızılude.
"Amerika – qaru-jaraq boiynşa jetekşı el. Bızdıŋ jobanyŋ top-10-dyqqa enuı – men üşın de, Qazaqstan üşın de ülken jetıstık. Prezentasiiada özımnıŋ Qazaqstannan ekenımdı atap öttım. Būl – bızdıŋ elde de joǧary tehnologiialar damyp jatqanyn körsetedı", – dedı Erlan Älımhanov.
Qazır qazaqstandyq Kaliforniia ştatyndaǧy Frimont qalasynda tūrady. Sol jerde 3D-dizainer retınde jūmys ısteidı.
