Qazaqstan Prezidentı Qasym-Jomart Toqaev älemdegı geosaiasi ahualdyŋ kürdelene tüsuı jaǧdaiynda elde jürgızılıp jatqan reformalardyŋ strategiialyq maŋyzy artyp otyrǧanyn aitty.
Memleket basşysy būl turaly jūma künı Qūryltaidyŋ alǧaşqy otyrysynda söilegen sözınde mälımdedı, dep habarlaidy "Adyrna".
Prezidenttıŋ aituynşa, qazırgı älemdegı jaǧdai tūraqsyz ärı boljam jasau barǧan saiyn qiyndap barady.
«Älemdegı oqiǧalar tasyǧan seldei jüiesız, beibereket, sipatqa ie, aldymyzda ne bolaryn boljaudyŋ özı qiyn. Būl kataklizmderden elder men halyqtardyŋ eşbırı tys qalǧan joq. Memleketterdıŋ, äsırese ırı elderdıŋ arasyndaǧy senımge selkeu tüstı. Būl BŪŪ men onyŋ instituttarynyŋ qyzmetıne zardabyn tigızude», – dedı Qasym-Jomart Toqaev.
Onyŋ sözınşe, qazırgı jaǧdaida BŪŪ Qauıpsızdık Keŋesı jahandyq jäne öŋırlık deŋgeidegı beibıtşılık pen qauıpsızdıktı qamtamasyz etu missiiasyn tolyqqandy oryndai almai otyr. Osyǧan bailanysty aimaqtyq halyqaralyq ūiymdardyŋ yqpaly artyp, älemdık arenada «orta derjavalar» dep atalatyn memleketterdıŋ rölı küşeiıp keledı.
«BŪŪ Qauıpsızdık Keŋesı jahandaǧy jäne aimaqtardaǧy beibıtşılıktı, tūraqtylyq pen qauıpsızdıktı saqtau missiiasyn atqara almai otyr. Osy alasapyranda öŋırlık halyqaralyq ūiymdar alǧa şyǧyp, olardyŋ rölı aitarlyqtai artty. Älemdık arenada «orta derjavalar» dep atalatyn memleketter boi körsete bastady. Qazaqstan da atalǧan sanatqa kıredı», – dedı Prezident.
Qasym-Jomart Toqaev qazırgı älemdegı taǧy bır maŋyzdy ürdıs – sifrlyq tehnologiialar men jasandy intellektınıŋ jedel damuy ekenın atap öttı.
«Sifrlyq tehnologiialar men jasandy intellekt qaryştap damuda. Būl üderıstıŋ tüptıŋ tübınde qaida aparyp soǧatyny beimälım, tıptı, qazırgı nätijelerdıŋ özı ekıūdai pıkır tudyrady. Keide mūny osy tehnologiiany oilap tabatyndar da tüsıne bermeidı», – dedı ol.
Prezident jasandy intellektınıŋ damuyna bailanysty türlı boljamdar aitylyp jürgenın de jetkızdı.
«Mäselen, taiau keleşekte iadrolyq qarudyŋ ornyn jasandy intellekt qūraldary almastyruy mümkın degen boljam aityldy. Mūnyŋ bärı älemnıŋ damuy zaŋdylyq pen qisynnan ada ekenın körsetedı. Al onyŋ zardabyn keleşek ūrpaq tartady», – dedı Memleket basşysy.
Onyŋ pıkırınşe, adamzat qazır jaŋa älemdık tärtıptıŋ qalyptasu kezeŋın bastan ötkerıp jatyr. Būl üderıstıŋ qarama-qaişylyǧy da bar.
«Älemde jaŋa tärtıp qalyptasyp jatyr. Ol kereǧar sipatqa ie: bır jaǧynan – qauıptı, ziiandy, keleşegı būlyŋǧyr, al ekınşı jaǧynan – progressivtı, tehnologiialyq, perspektivtı ärı adamzat tarihyndaǧy eleulı betbūrys sanalady», – dedı Toqaev.
Prezident osyndai tūraqsyz kezeŋde memleketterdıŋ öz egemendıgın naqty ıspen qorǧap, nyǧaituy maŋyzdy ekenın aitty. Onyŋ sözınşe, ekonomika, ǧylym, äskeri jäne diplomatiialyq äleuetın küşeitıp, eŋ bastysy, adam kapitalyn damytuǧa basymdyq bergen elder ǧana jaŋa däuırdıŋ talaptaryna beiımdele alady.
«Mūndai jaǧdaida, onyŋ sözınşe, ekonomika, ǧylym, äskeri-diplomatiia salalarynda özınıŋ egemendıgın naqty ıspen qorǧap, nyǧaituǧa qauqarly, eŋ maŋyzdysy, adam äleuetın damytatyn memleketter ǧana jaŋa däuırge beiımdeletını barşaǧa tüsınıktı», – dedı memleket basşysy.
Osy rette Qasym-Jomart Toqaev Qazaqstandy jan-jaqty jaŋǧyrtu qajettıgıne toqtaldy. Prezident reformalardy jalǧastyru eldıŋ bolaşaǧy üşın strategiialyq mänge ie ekenın atap öttı.
«Däl osy sebeptı memleketımızdı jan-jaqty jaŋǧyrtu strategiialyq tūrǧydan maŋyzdy. Maqtangerşılık emes, ädılın aitsaq, bız jürgızıp jatqan auqymdy reformalardyŋ qarqyny aldaǧy uaqytta üdei tüspese, bäseŋdemeidı. Qarapaiym tılmen aitqanda, artqa şegıner jol joq», – dedı ol.
Memleket basşysy Qazaqstanda jüzege asyrylyp jatqan reformalardyŋ qazırgı jäne keleşektegı yqtimal jahandyq syn-qaterlerdı eskere otyryp jürgızılıp jatqanyn atap öttı.
«Būl – eleulı jetıstık. Qazaq elınde jürgızılıp jatqan reformalardyŋ kün tärtıbınde qazırgı, tıptı keleşektegı yqtimal jahandyq syn-qaterler tolyq meilınşe eskerılgen. Būl – asa maŋyzdy. Basqaşa aitqanda, sol synaqtardy eŋseru üşın aldyn alu şaralary qabyldanady», – dedı Qasym-Jomart Toqaev.
