Áleýmettik jelilerde Bas prokýratýranyń Jambyl oblysy boıynsha quqyq qorǵaý organdarynyń qyzmetin úılestirý departamentiniń qazirgi qyzmetkeri Álııa Qojabekovanyń beıneúndeýi tarady. Ol vıdeoda Qazaqstan Prezıdenti Qasym-Jomart Toqaevqa úndeý joldap, basshylyq tarapynan zańsyz áreketterge jol berilip jatqanyn málimdedi, dep habarlaıdy “Adyrna” ulttyq portaly.
Qojabekovanyń aıtýynsha, departament basshylyǵy Birińǵaı tergeý tiziliminen keıbir málimetterdi qasaqana joıyp, ishki ister organdarynyń qylmystardy ashý statıstıkasyna áser etýde.
Ol 2013 jyly bolǵan oqıǵany baıandap berdi.
"Men eńbek demalysyna ketkenmin. Sol ýaqytta departament qyzmetkerleri málimetter bazasynan qylmystyq jaýapqa tartylǵan adamdar týraly aqparatty óshirip tastaǵan. Eńbek demalysynan kelgennen keıin qyzmettik tekseris júrip, meni kináli etip, meni bólim basshysy qyzmetimnen alyp tastady. Men sotqa júginip, jeńdim. Sodan beri maǵan jumysta kún kórsetpeıdi. Meni kishkentaı balammen birge ártúrli aýdandarǵa "jer aýdaryp" jebirgendeı boldy", deıdi Álııa Qojabekova.
Onyń sózinshe, basshylyq bul jaıttan habardar bolǵan. Álııa 11 jyldan keıin Quqyq qorǵaý organdarynyń qyzmetin úılestirý departamentine oralǵan.
"Qaıtyp kelgenimde birińǵaı tergeý tiziliminen keıbir málimetterdi qasaqana joıý derekteri áli bolyp jatqanyn anyqtadym", deıdi Álııa.
Onyń aıtýynsha, bul qyzmetkerler óz áreketterin aqtaý úshin Jambyl oblystyq polıııa organdarynyń prokýratýraǵa joldaǵan raporttaryn syltaý etken. Alaıda, kóp jaǵdaıda bul kúmándi raporttar prokýratýranyń keńsesine (kanelıarııasyna) múlde tirkelmegen de bolatyn, ıaǵnı resmı túrde qabyldanbaǵan.
Ol iske qatysy bar birneshe basshynyń atyn ataıdy. Qojabekovanyń aıtýynsha, Bas prokýrordyń qujat aınalymy boıynsha buıryǵyna sáıkes, quqyqtyq statıstıka organdaryna barlyq qujattar tek «Qadaǵalaý» aqparattyq júıesi arqyly ǵana joldanýy tıis. Alaıda bul talap jıi elenbeı, ruqsatsyz túzetýler engizilgen, jáne bul ishki ister organdarynyń "jaqsy" statıstıkasyn qamtamasyz etýge baǵyttalǵan.
"Bul áreketterge meni kináli etpek boldy, biraq olar ony júzege asyra almady, sebebi eń birinshi bolyp men ózim basshylyqqa raportpen júgindim", deıdi Álııa Qojabekova.
Onyń aıtýynsha, derekter bazasynan eshqandaı negizsiz qujattarsyz qalta urlyqtary týraly ister joıylǵan, sondaı-aq qoǵamdyq oryndarda jasalǵan qylmystar, mas kúıde jasalǵan quqyqbuzýshylyqtar da esepten alynyp tastalǵan.
