Foto: Reuters
Nepalda joiqyn su tasqyny men lai köşkınınen qaza tapqandar sany 469 adamǧa jettı. 800-den astam tūrǧyn men şeteldık azamattan älı habar joq. Qūtqaru jūmystary jalǧasyp jatqanymen, öŋırde jaŋa su tasqynynyŋ qaupı saqtalyp otyr. Būl turaly VVS jazdy, dep habarlaidy "Adyrna".
Apat Tibetpen şekaralas aumaqta bolǧan. Qatty lai köşkını tauly özen arnasyn bögep, su deŋgeiınıŋ kürt köterıluıne sebep bolǧan. Tabiǧi apattan Nepalmen qatar Qytaidyŋ Tibet aimaǧy da zardap şektı. Qytailyq BAQ-tyŋ mälımetınşe, Tibette kemınde üş adam qaza tauyp, 550-den astam adammen bailanys üzılgen.
Nepal premer-ministrı Balendra Şahtyŋ aituynşa, ızdeu-qūtqaru jūmystaryna 13 myŋnan astam äskeri qyzmetşı men polisiia qyzmetkerı jūmyldyrylǧan. Beisenbı künı apat aimaǧyna 69 äue reisı jasalyp, 573 adam qauıpsız jerge şyǧarylǧan.
Zardap şekkender üşın uaqytşa ornalastyru oryndary ūiymdastyrylyp, jaralanǧandarǧa medisinalyq kömek tegın körsetılıp jatyr. Ükımet qazırgı uaqytta adamdardy qūtqaruǧa, habar-oşarsyz ketkenderdı ızdeuge jäne tūrǧyndarǧa gumanitarlyq kömek jetkızuge basymdyq berıp otyr.
Jaŋa tasqyn qaupı bar
Qūtqaruşylarǧa tabiǧi apattyŋ qaitalanu qaupı aitarlyqtai kedergı keltırude. Alǧaşqy tasqyn bolǧan jerde Bhotekoşi özenınde üiındılerdıŋ jinaluynan köl paida bolǧan. Onyŋ su deŋgeiı qazır köterılıp jatyr.
Nepaldyŋ tötenşe jaǧdailar qyzmetı köldegı sudyŋ arnasynan asyp, jaŋa su tasqynyn tudyruy mümkın ekenın eskerttı. Qytaidyŋ memlekettık BAQ-tary būl jaǧdai 1 qyrküiek şamasynda boluy yqtimal ekenın habarlady.
Qyzyl Krest ūiymynyŋ Nepaldaǧy delegasiiasyn basqaratyn Devid Fişerdıŋ aituynşa, jaŋa tasqyn qaupı qūtqaru jäne gumanitarlyq kömek körsetu jūmystaryn qiyndatyp otyr.
«Bızdı eŋ qatty alaŋdatatyny – jaŋa su tasqyny qaupı bar aumaqta älı jürgen adamdardyŋ ömırı», – dedı ol.
Nepal bilıgınıŋ mälımetınşe, 826 adam habar-oşarsyz ketken. Olardyŋ arasynda turister, jergılıktı tūrǧyndar jäne qauıpsızdık küşterınıŋ qyzmetkerlerı bar.
Habarsyz ketkenderdıŋ ışınde bırneşe eldıŋ azamattary bar:
Ündıstan – 177 adam;
AQŞ – kemınde 63 adam;
Ukraina – 53 adam;
Malaiziia – 28-den 55 adamǧa deiın;
Avstraliia – 34 adam;
Ūlybritaniia – 33 adam;
Kanada – 25 adam;
Oŋtüstık Koreia – 9 adam;
Germaniia – kemınde 8 adam;
Singapur – 6 adam;
Oŋtüstık Afrika Respublikasy – 6 adam;
Resei – 5 adam;
Japoniia – 5 adam;
Jaŋa Zelandiia – kemınde 5 adam.
Sondai-aq, bır Qazaqstan azamaty da habar-oşarsyz ketken.
Būl turaly Qazaqstannyŋ syrtqy ıster ministrlıgı habarlaǧan bolatyn.
Aldyn ala mälımet boiynşa, qazaqstandyq turistık top qūramynda Nepaldan Qytaiǧa şekara arqyly ötken. Qazır onyŋ qaida ekenı belgısız.
Nepal bilıgı būǧan deiın habar-oşarsyz ketken 100-ge juyq ündıstandyq turist pen 25 qytailyq jūmysşynyŋ tabylǧanyn habarlaǧan.
Ukraina Syrtqy ıster ministrlıgı Nepalda kemınde 53 ukrainalyq turistpen bailanys üzılgenın mälımdedı. Vedomstvo äzırge ukrainalyqtardyŋ qaza tapqandar nemese zardap şekkender arasynda bar-joǧy turaly aqparat tüspegenın atap öttı.
Apat saldarynan qaza tapqandardyŋ denelerı özennıŋ tömengı aǧysyndaǧy audandardan da tabyluda. Chitvan audanynda 103 adamnyŋ denesı özennen şyǧarylǧan.
Jergılıktı auruhanalar mäiıtterdıŋ barlyǧyn qabyldai almai jatqandyqtan, bilık arnaiy şatyrlar tıgıp, qaza bolǧandardyŋ tuystaryn qabyldauǧa daiyndyq jürgızude. Tūlǧasy anyqtalmaǧan mäiıtter DNQ saraptamasyna jıberıledı.
Qūtqaru jūmystaryna Ündıstan da kömek körsetıp jatyr. Apattan zardap şekken audandarǧa tıkūşaqtar arqyly şatyrlar, azyq-tülık jäne basqa da qajettı zattar jetkızılude.
Qazır Nepalda myŋdaǧan qūtqaruşy men äskeri qyzmetker tabiǧi apattyŋ zardaptaryn joiuǧa jūmyldyrylǧan. Bilık tūrǧyndardy özen jaǧalaularynan aulaq boluǧa jäne jaŋa tasqyn qaupı turaly eskertulerdı mūqiiat oryndauǧa şaqyrdy.
