13-14 qazanda elordalyq oquşylar qaşyqtan oqytu formatyna uaqytşa köşedı. Būl turaly Astana qalalyq bılım basqarmasy mälımdedı, dep habarlaidy “Adyrna” ūlttyq portaly.
Basqarmanyŋ habarlauynşa, būl künderı elordada memleket jäne Ükımet basşylarynyŋ qatysuymen halyqaralyq forumdar ötetın bolǧandyqtan, qala joldarynyŋ keibır bölıkterınde kölık qozǧalysy ışınara şekteledı. Mūndai täjıribenı köptegen elder osy siiaqty ırı şaralar ötkızgen kezde qoldanady.
Oquşylar men olardyŋ ata-analaryna qolaily bolu üşın 13-14 qazanda qala mektepterınıŋ bärı menşık nysanyna qaramastan, qaşyqtan oqytu formatyna köşe tūruy kerek degen şeşım qabyldandy.
Äkımdık ökılderı oquşylar üşın sabaqtyŋ mūndai türı taŋsyq emes ekenın aityp otyr.
«Jalpy, qaşyqtan oqytu ädısı oquşylarǧa taŋsyq emes. Öitkenı, qysta kün raiy būzylǧan kezde oqytudyŋ osy formaty qoldanylatyn. Qala mektepterı ondai sabaqtar ötkızuge qajettı kompiutermen qamtamasyz etılgenın aita ketu kerek», - delıngen habarlamada.
”Adyrna” ūlttyq portaly
Ūqsas jaŋalyqtar
