Donald Tramp dúısenbi kúni keshke AQSh-tyń 47-shi prezıdenti retinde Aq úıge alǵash ret kelip, stadıonda jaqtastarynyń aldynda 9 qujatty bekitti. Bul týraly VVS jazdy, dep habarlaıdy “Adyrna” ulttyq portaly.
AQSh prezıdenti Jańa sheshim boıynsha AQSh dúnıejúzilik densaýlyq saqtaý uıymynan shyqty.
Tramp 2021 jyldyń 6 qańtarynda Kapıtolıı ǵımaratyna basyp kirgen 1600-ǵa jýyq adamdy keshirý týraly jarlyqqa qol qoıdy.
Kapıtolıı isi boıynsha Tramptyń jaqtastary Djo Baıdenniń prezıdenttik jeńisin moıyndamaı Kapıtolııge shabýyl jasap, Vashıngtonda tártipsizdik uıymdastyrǵan edi.
«Olar búgin bostandyqqa shyǵady dep úmittenemin, olar sony kútip otyr. Shamamen 1500 adam», — dedi Tramp.
Sondaı-aq Tramp kóteriliske bastamshy bolǵan ári shabýyldy josparlaýǵa kómektesti degen aıyppen sottalǵan ásire ońshyl Oath Keepers jáne Proud Boys toptarynyń 14 múshesiniń úkimderin jeńildetti.
Eń uzaq 22 jyl jazasyn ótep jatqan Proud Boys kóshbasshysy Enrıke Tarrıonyń advokaty CBS News-ke onyń klıentiniń jaqyn arada bosatylýy kútiletinin aıtty.
Buıryq sonymen qatar AQSh bas prokýrorynan áli sotta qaralyp jatqan 300-ge jýyq isti toqtatýdy talap etip otyr.
Eske salaıyq, keshe, 20 qańtar kúni Donald Tramp ekinshi ret AQSh prezıdenti atandy.
