Memleket basşysy Qasym-Jomart Toqaev Özbekstan prezidentı Şavkat Mirziioevpen telefon arqyly söilestı. Būl turaly 24 tamyzda Aqordanyŋ baspasöz qyzmetı jazdy, dep habarlaidy «Adyrna» tılşısı.
Şavkat Mirziioev Qasym-Jomart Toqaevty Qazaqstan Respublikasy Qūryltaiy deputattarynyŋ alǧaşqy sailauy sättı ötuımen qūttyqtady.
Memleket basşysy Şavkat Mirziioevke qoldauy men halyqaralyq ūiymdar qūramynda Özbekstan baiqauşylar missiiasyn jıbergenı üşın alǧys aitty.
Prezident Özbekstan köşbasşysyna elımızde jürgızılıp jatqan ışkı saiasi özgerıster turaly aityp, Qūryltai ozyq, zamanaui jäne ädılettı Qazaqstan qūruǧa baǧyttalǧan saiasi reformalardyŋ maŋyzdy bölıgı ekenıne toqtaldy.
Taraptar dostyq pen strategiialyq serıktestık ruhynda ūdaiy nyǧaiyp kele jatqan qazaq-özbek qarym-qatynasynyŋ damu barysyna köŋıl tolatynyn atap öttı.
Äŋgımelesu barysynda sauda-ekonomikalyq yqpaldastyqty keŋeituge, kölık-logistika, öndırıstık kooperasiia salalaryndaǧy bırlesken investisiialyq jobalardy jüzege asyruǧa, sondai-aq Qazaqstan men Özbekstan arasyndaǧy ıskerlık toptardyŋ bailanysyn jandandyruǧa basa nazar audaryldy.
Memleketter basşylary öŋırlık jäne halyqaralyq kün tärtıbındegı özektı mäseleler jönınde pıkır almasty.
