Prezident Qasym-Jomart Toqaev qazaqstandyqtardy «tarihi jaraqat alǧan ūlt» psihologiiasynan bırjola aryluǧa ündedı, dep habarlaidy "Adyrna" ūlttyq portaly.
Memleket basşysy būl pıkırın Qyzylordada ötken Ūlttyq qūryltai otyrysynda aitty.
Prezidenttıŋ sözınşe, ötkennıŋ qasıretıne bailanyp, barlyq qiyndyqty özge halyqtardan köru – keşeumen ömır sürudıŋ körınısı.
«Bız “tarihi jaraqat alǧan” ūlt psihologiiasynan bırjola aryluymyz kerek. Bükıl älem özgerıp jatyr, bızge de özgeretın uaqyt keldı. Bız – bolaşaǧy jarqyn, joly aşyq jas memleketpız. Sondyqtan tek alǧa qarai jüruımız qajet», – dedı Toqaev.
Prezident qazırgı jahandyq özgerıster jaǧdaiynda Qazaqstanǧa batyl, dästürlı emes jäne innovasiialyq şeşımder qajet ekenın atap öttı. Onyŋ aituynşa, ülken ärı tübegeilı özgerıster uaqyty keldı.
«Ündeudı eŋ aldymen memlekettık qyzmetşılerge, käsıpkerlerge jäne ǧalymdarǧa arnaimyn. Elımız jaŋa tarihi şyndyqta laiyqty oryn aluǧa tiıs», – dedı ol.
