2023 jylǧy 20 mausym künı Germaniia Federaldy prezidentımen kezdesuı barysynda memleket basşysy Qasym-Jomart Toqaev Qazaqstannyŋ Ukrainadaǧy jaǧdaiǧa qatysty ūstanymyn habarlap, syrtqy saiasattaǧy baǧytyn taǧy da aiqyndap berdı, dep habarlaidy "Adyrna" ūlttyq portaly.
Ukrainadaǧy daǧdarys, halyqaralyq kürdelengen saiasattaǧy Qazaqstan ūstanymy men basqynşylyq joryqtaryna qatysty el aiqyndamasy. Qasym-Jomart Toqaev būl kürdelı mäselelerge qatysty el ūstanymyn naqty jetkızdı.
Bırınşıden, onyŋ sözınşe, Qazaqstan BŪŪ Jarǧysyn qataŋ saqtauy kerek. Jalpy aitqanda, BŪŪ-ny älemdegı bıregei ūiym retınde moiyndap, qoldauǧa tiıspız.
Ekınşıden, Prezident Qytaidyŋ, sondai-aq basqa da memleketterdıŋ barlyq beibıt bastamasyn qoldauymyz qajet ekenın aitty.
"Jaqyn arada Ukrainadaǧy qaruly qaqtyǧys toqtaidy dep ümıttenemız. Sodan keiın ǧana jerdıŋ būl bölıgınde myzǧymas beibıt ömır ornaityny turaly söz qozǧai alamyz. Qazaqstanǧa keletın bolsaq, bız osy maqsatqa qol jetkızuge öz ülesımızdı qosuǧa daiynbyz", – dedı Qazaqstan Prezidentı.Būǧan qosa Toqaev Qazaqstannyŋ Reseiden de "köz jazyp" qalǧysy kelmeitının jetkızdı. Resei men Qazaqstannyŋ strategiialyq serıktes jäne bırneşe ūiymnyŋ ortaq müşesı ekenın söz etıp, ekıjaqty bailanys jaiyn aitty.
"Sondyqtan bızdıŋ maqsatymyz – Resei men Qazaqstan arasyndaǧy ekıjaqty bailanysty saqtau jäne halyqaralyq ūiymdardyŋ talaptaryn eskere otyryp özara yntymaqtastyǧymyzdy nyǧaitu", - dedı Qasym-Jomart Toqaev.
"Adyrna" ūlttyq portaly
Ūqsas jaŋalyqtar
Qasym-Jomart Toqaev
putin bilıgı
syrtqy saiasat
kreml bilıgı
Germaniia prezidentı
germaniia basşysy
Ukrainadaǧy qaruly qaqtyǧys
qazaqstan ūstanymy
Germaniia Federaldy prezidentı
aqordadaǧy kezdesu
ukrainadaǧy jaǧdai
