Şvesiianyŋ Fagersta qalasyndaǧy Brinellskolan orta mektebınde qaruly şabuyl bolyp, bır adam qaza tapty, dep habarlaidy “Adyrna” tılşısı.
Taǧy üş kämeletke tolmaǧan oquşy jaraqat aldy.
TASS deregınşe, oqiǧa 21 tamyzda jergılıktı uaqyt boiynşa saǧat 14:06-da bolǧan. Şvesiia polisiiasynyŋ mälımetınşe, mektep ǧimaratyna 18 jastaǧy būrynǧy oquşy qarulanyp kırıp, oquşylarǧa şabuyl jasaǧan.
Şabuyl saldarynan bır adam köz jūmdy. Jasy 12 men 17 aralyǧyndaǧy üş kämeletke tolmaǧan bala jaraqat alǧan. Olardyŋ ekeuınıŋ jaraqaty auyr, bıreuınıŋ jaǧdaiy jeŋıl. Jeŋıl jaraqat alǧan oquşy medisinalyq kömek körsetılgennen keiın üiıne jıberılgen.
Polisiia oqiǧa ornyna bırneşe minut ışınde jetken. Saǧat 14:16 şamasynda qūqyq qorǧau qyzmetkerlerı qaru qoldanyp, küdıktınıŋ aiaǧyna oq tigızıp, ony ūstaǧan.
Polisiia mälımetınşe, oqiǧa ornynda basqa şabuyldauşylar anyqtalmaǧan.
Küdıktı qara kiım, dulyǧa jäne betın jauyp tūratyn maska kigen. Şabuylǧa deiın onyŋ äleumettık jelıdegı akkauntynda semserdıŋ suretı men jazba jariialanǧan.
Polisiia 18 jastaǧy küdıktınıŋ būǧan deiın mektepte zorlyq-zombylyq jasaǧany üşın sottalǧanyn habarlady. Qazır qylmysqa ne sebep bolǧany anyqtalyp jatyr.
Brinellskolan — 16-20 jas aralyǧyndaǧy şamamen 450-470 oquşy bılım alatyn gimnaziia. Oqu jyly mektepte bırneşe kün būryn bastalǧan.
