Eŋbek jäne halyqty äleumettık qorǧau ministrlıgı Employment Permit System (EPS) jüiesı arqyly Qazaqstan azamattaryn Koreia Respublikasynda jūmysqa ornalastyru üşın ırıkteu tärtıbın tüsındırdı, dep habarlaidy «Adyrna» tılşısı.
Praktikalyq ırıkteu Almaty qalasynda EPS ortalyǧy aşylǧannan keiın bastalmaq. Ortalyqta ümıtkerlerdıŋ korei tılın meŋgeru deŋgeiı EPS-TOPIK testı arqyly baǧalanady. Sonymen qatar olardyŋ käsıbi bılımı men eŋbek daǧdylary tekserılıp, Koreiaǧa attanar aldynda mındettı daiyndyqtan ötedı.
Baǧdarlamaǧa 18 ben 39 jas aralyǧyndaǧy Qazaqstan azamattary qatysa alady. Ümıtkerdıŋ sottalmaǧan boluy, būryn Koreiadan küştep şyǧarylmauy, elge kıruge tyiym salynbauy jäne şetelge şyǧuǧa şekteulerınıŋ bolmauy talap etıledı. Irıkteu barysynda bılım deŋgeiı, eŋbek ötılı men käsıbi sertifikattary da eskerıledı.
Barlyq kezeŋnen sättı ötken azamattar resmi jūmys ızdeuşıler tızımıne engızıledı. Alaida ministrlık būl tızımge enu Koreiada avtomatty türde jūmysqa ornalasuǧa kepıldık bermeitının atap öttı. Soŋǧy şeşımdı koreialyq jūmys beruşı qabyldaidy jäne qajettı qyzmetkerdı tırkelgen kandidattardyŋ arasynan özı taŋdaidy.
EPS jüiesı boiynşa Qazaqstan azamattaryn jūmysqa qabyldau kölemı jyl saiyn Koreia tarapy belgıleitın kvotaǧa säikes anyqtalady.
Jūmys beruşı ümıtkerdı taŋdaǧan jaǧdaida eŋbek şarty ūsynylady. Qūjatqa qol qoimas būryn qyzmetkerge eŋbek mındetterı, jūmys uaqyty, eŋbek jaǧdailary jäne özge de talaptar tüsındırıledı.
Baǧdarlama aiasynda jūmys ısteu merzımı üş jylǧa deiın belgılenedı. Qoldanystaǧy zaŋnamaǧa säikes būl merzım qosymşa bır jyl on aiǧa deiın ūzartyluy mümkın.
Ministrlık azamattardy tek resmi aqparat közderıne senuge şaqyryp, jūmysqa ornalastyruǧa kepıldık beremız nemese ırıkteuden tys ötkızemız dep uäde beretın deldaldarǧa aqşa men qūjat tapsyrmauǧa keŋes berdı.
Tırkeudıŋ bastalu merzımı, qūjat qabyldau tärtıbı, EPS-TOPIK testınıŋ ötkızılu uaqyty jäne ırıkteudıŋ özge kezeŋderı turaly aqparat ministrlıktıŋ resmi resurstarynda qosymşa jariialanady.
