Oŋtüstık Koreiada tūrmystyq tauarlar öndıretın zauytta ırı ört şyǧyp, jūmys ıstep jürgen qazaqstandyq azamat joǧalyp kettı. Būl turaly koreialyq Yonhap portaly jariialady, dep habarlaidy “Adyrna”.
Atalǧan jaǧdaiǧa Qazaqstan Respublikasy Syrtqy ıster ministrlıgınıŋ baspasöz qyzmetı pıkır bıldırdı.
Vedomstvonyŋ mälımetınşe, 30 qaŋtarda Oŋtüstık Koreianyŋ Ymson uezı, Mendon-mion aimaǧynda azyq-tülık pen susyn öndıretın käsıporynda ört şyqqan. Būǧan deiın koreialyq BAQ oqiǧanyŋ ylǧal mailyqtar men jörgek şyǧaratyn zauytta bolǧanyn habarlaǧan.
SIM deregıne säikes, örtten keiın 81 qyzmetker evakuasiialanǧan, alaida ekı jūmysşynyŋ, onyŋ ışınde Qazaqstan azamatynyŋ, qaida ekenı belgısız bolyp qalǧan. Polisiia men örtke qarsy qyzmettıŋ mälımetınşe, 31 qaŋtar künı taŋerteŋ örtengen seh ışınen jeke basy anyqtalmaǧan mäiıt tabylǧan.
Syrtqy ıster ministrlıgınıŋ resmi ökılı mäiıttıŋ kım ekenın naqtylau üşın polisiia Ūlttyq ǧylymi zertteuler institutyna jügıngenın habarlady.
«Qazaqstannyŋ Koreia Respublikasyndaǧy Elşılıgı polisiiamen, ört söndıru qyzmetımen jäne joǧalǧan Qazaqstan azamatynyŋ tuystarymen tūraqty bailanysta. Būl mäsele baqylauda», – delıngen SIM habarlamasynda.
Aita keteiık, keibır BAQ evakuasiiadan keiın zauyttyŋ ekı şeteldık qyzmetkerı — jasy şamamen 50-degı Qazaqstan azamaty men 20-daǧy Nepal azamaty habar-oşarsyz ketkenın jazǧan. 31 qaŋtar saǧat 00:39-da ört söndıruşıler joǧalǧandardyŋ bırınıŋ denesın ǧimarattyŋ ekınşı qabatyndaǧy baspaldaq maŋynan tapqan. Qaza tapqan adamnyŋ jeke basy äzırge anyqtalǧan joq.
