68 jasynda belgılı qazaqstandyq fototılşı Iýrii Bekker mezgılsız dünieden öttı. Qaraly habardy Mädeniet jäne aqparat ministrlıgı jetkızdı, dep habarlaidy «Adyrna» tılşısı.
«Iýrii Zelmanovichtıŋ tuǧan-tuystary men jaqyndaryna, ärıptesterıne, dostaryna jäne ony bıletın barşa qauymǧa qaiǧyryp köŋıl aitady. Ol ūzaq jyldar boiy jurnalistika salasynda eŋbek etıp, Qazaqstannyŋ fotoşejıresın jasauǧa zor üles qosty. Bekkerdıŋ obektivıne eldıŋ qoǧamdyq, saiasi jäne mädeni ömırındegı maŋyzdy oqiǧalar, belgılı memleket qairatkerlerı, eŋbek adamdary men qarapaiym azamattar ılıktı. Fotosuretterı Qazaqstannyŋ qazırgı zamanǧy tarihynyŋ bır bölıgıne ainalyp, öz däuırınıŋ tūlǧalary men oqiǧalaryn keler ūrpaqqa jetkızdı»,– delıngen habarlamada.
Iýrii Zelmanovichtıŋ käsıbi jolynyŋ eleulı bölıgı «Kazahstanskaia pravda» gazetınıŋ redaksiiasymen bailanysty boldy. Ol ömırınıŋ soŋǧy künderıne deiın redaksiiada eŋbek ettı.
Aita keteiık, Iýrii Bekker 1987 jyly jeltoqsanda Jeltoqsan oqiǧasyna qatysuşylar Qairat Rysqūlbekov, Tügelbai Täşenov, Jambyl Taijūmaev pen Ertai Köpesbaevqa qatysty ötken sot otyrysyna fototılşı retınde qatysqan. Ol – sot zalyndaǧy törteudıŋ basyn tık köterıp otyrǧan äigılı surettıŋ avtory. Onyŋ obektivıne 2003 jylǧy Qazaqstan kubogynyŋ finaly da tüsken. Sol kezdesude Zlatko Krmpotich jattyqtyrǧan «Qairat» «Jeŋıstı» 3:1 esebımen jeŋıp, klub tarihyndaǧy törtınşı kubogyn ielengen. Sonymen qatar Iýrii Bekker almatylyq klubtyŋ Chempiondar ligasyndaǧy soŋǧy mausymdarǧa deiıngı oiyndaryn, sonyŋ ışınde 2025 jyly madridtık «Realǧa» qarsy ötken kezdesuın de taspaǧa tüsırgen.
