Alaştanuşy ǧalym Mämbet Qoigeldı 80 jasqa toldy, dep habarlaidy "Adyrna" tılşısı.
Belgılı alaştanuşy ǧalym, akademik, tarih ǧylymdarynyŋ doktory, professor Mämbet Qoigeldı bügın 80 jasqa toldy.
Mämbet Qoigeldı Qyrǧyz memlekettık universitetın tämamdap, äl-Farabi atyndaǧy Qazaq ūlttyq universitetınıŋ aspiranturasynda bılım alǧan. Ǧalym eŋbek jolyn auyl mektebınde mūǧalım jäne Jambyl oblystyq mūraǧatynyŋ ǧylymi qyzmetkerı bolyp bastaǧan. Keiın äl-Farabi atyndaǧy QazŪU-da dosent, kafedra meŋgeruşısı, bılıktılıktı arttyru institutynyŋ direktory jäne tarih fakultetınıŋ dekany qyzmetterın atqardy.
Sonymen qatar ol Qazaqstan Kompartiiasy Ortalyq komitetı janyndaǧy Partiia tarihy institutynda aǧa ǧylymi qyzmetker, QR Ǧylym jäne bılım ministrlıgı Ş. Uälihanov atyndaǧy Tarih jäne etnologiia institutynyŋ direktory, Abai atyndaǧy QazŪPU-da kafedra meŋgeruşısı bolyp eŋbek ettı. Mämbet Qoigeldı 2004 jyldan berı Qazaqstan tarihşylary qauymdastyǧynyŋ prezidentı qyzmetın atqaryp keledı. Sondai-aq ǧalym «Mädeni mūra» memlekettık baǧdarlamasynyŋ tarih jäne etnografiia seksiiasyna jetekşılık etken.
Ǧalymnyŋ ǧylymi zertteulerınıŋ negızgı baǧyttarynyŋ bırı – XX ǧasyrdyŋ alǧaşqy şiregındegı qazaq ziialylarynyŋ qoǧamdyq-saiasi qyzmetı. Ol Alaş qozǧalysyn zertteuge eleulı üles qosyp, otandyq tarih ǧylymynda Alaş tarihyna qatysty jaŋa ǧylymi tūjyrymdardyŋ qalyptasuyna yqpal ettı. Sonymen qatar Mämbet Qoigeldı ortaǧasyrlyq tarihşy, jylnamaşy Qadyrǧali Qosymūlynyŋ «Jylnamalar jinaǧy» eŋbegınıŋ tarihi jazba dästürı negızınde düniege kelgen qūndy mūra ekenın ǧylymi tūrǧydan negızdedı.
