İran İslam Respublikasynyŋ syrtqy ıster ministrı Seied Abbas Araqchidıŋ «Kelıssöz qūdıretı» atty kıtaby qazaq tılıne audarylyp, jaryq kördı, dep habarlaidy "Adyrna" ūlttyq portaly.
Kıtaptyŋ qazaq tılındegı nūsqasy Qazaqstandaǧy İran İslam Respublikasy Elşılıgınıŋ qoǧamdyq diplomatiia bölımınıŋ bastamasymen jäne Qazaqstan Respublikasynyŋ Tegerandaǧy Elşılıgımen özara yntymaqtastyq aiasynda daiyndalǧan. Eŋbektı Tegerandaǧy Qazaqstan elşılıgı basşysynyŋ orynbasary Bekmūrad Haidar qazaq tılıne audarǧan. Kıtaptyŋ qazaqşa audarmasy İran İslam Respublikasynyŋ syrtqy ıster ministrlıgınde jaryq kördı. Eŋbekte halyqaralyq qatynastar, diplomatiialyq kelıssözder jäne kelıssöz jürgızu täjıribesıne qatysty mäseleler qamtylǧan.
Avtor – İrannyŋ qazırgı syrtqy ıster ministrı Seied Abbas Araqchi. Onyŋ diplomatiialyq qyzmetınde halyqaralyq kelıssözder men syrtqy saiasat mäselelerı maŋyzdy oryn alady.
Ūiymdastyruşylardyŋ pıkırınşe, kıtapty Qazaqstan joǧary oqu oryndarynda studentterge, saiasattanu salasynyŋ mamandaryna jäne halyqaralyq qatynastarǧa qyzyǧuşylyq tanytatyn oqyrmandarǧa ūsynuǧa bolady.
Kıtaptyŋ qazaq tılınde jaryq köruı Qazaqstan men İran arasyndaǧy mädeni jäne diplomatiialyq bailanystardy nyǧaituǧa, sondai-aq ekı el arasyndaǧy özara tüsınıstık pen intellektualdyq yntymaqtastyqty damytuǧa baǧyttalǧan maŋyzdy bastama retınde baǧalanyp otyr.
